گه‌ڕان

Shadow Shadow
سیاسه‌تی

’’هیچ پەیامێکم پێنەبوو’’

محەمەدی حاجی مەحمود: لەبارەى کێشەى سەرۆککۆمار ئێران سەردانى پارتى و یەکێتى دەکات

2022.07.03 - 22:37
App store icon Play store icon Play store icon
محەمەدی حاجی مەحمود: لەبارەى کێشەى سەرۆککۆمار ئێران سەردانى پارتى و یەکێتى دەکات

ناس کورد-

 

محەمەدی حاجی مەحمود سەرۆکی پارتی سۆسیال دیموکراتی کوردستان رایگەیاند، ڕەنگە لەم ماوەیەدا بەرپرسانى ئێران سەردانی پارتی و یەکێتی بکەن، بۆ چارەسەرکردنى  کێشەی سەرۆککۆمار لەنێوان ئەو دوو حزبەدا.

کەناڵی ناس کورد لە تێلیگرام جۆین بکە   

 

محەمەدى حاجى مەحمود لەبارەى سەردانەکەى بۆ ئێران (3-7-2022) بە دەنگى ئەمەریکاى وت کە بەمەبەستی سەردانی دکتۆر چووەتە ئێران، بەڵام کاتێک بەرپرسانی ئێران پێیانزانیووە لەو وڵاتەیە، داوایانلێکردووە بیبینن و زۆربەیانی بینیووە، وتی"ڕەئیان وابوو، پەلە بکرێت لەپێکهێنانی حکومەتی عێراق، کێشەی سەرۆک کۆمار لەنێوان یەکێتی و پارتی چارەسەر بکرێت، ڕەنگە لەم ماوەیەدا خۆشیان سەردانی پارتی و یەکێتی بکەن".

 

محەمەدى حاجى مەحمود کە هەریەک لە ئیسماعیل قائانی فەرماندەی فەیلەقی قودس و چەندین بەرپرسی باڵای ئێرانی بینیووە، لەبارەی ڕای ئێرانیەکان لەسەر موشەک بارانکردنی هەولێر و فشاری هێزە شیعەکان بۆ سەر هەرێم، وتی "ئێرانیەکان ڕەنگە ئاگاداری فشارەکان بن، ئەوان بێ ئاگا نیین لە ڕووداوەکان، چونکە ئێران حوکمی چەندین وڵات دەکات و لەعێراقیش خاوەن بڕیارە، هەر ئەوان نەیانهێشت سەدر هیچ بکات، بۆیە کاریگەریان لەسەر ڕووداوەکان هەیە."

 

لەبارەی ڕای ئیسماعیل قائانی فەرماندەی فەیلەقی قودس ی ئێران لەسەر پۆستی سەرۆک کۆمار و کێشەی نێوان یەکێتی و پارتی لەسەر پۆستەکە، محەمەدی حاجی مەحمود وتی"ئەوان لەگەڵ چارەسەرکردنی کێشەکەبوون، داوایانلێکردم، هەوڵبدەم نێوان یەکێتی و پارتی هێوربکەمەوە، چیم پێکرا بیکەم."

 

بەپێی دەنگی ئەمەریکا، محەمەدی حاجی مەحمود پەیامی مەسعود بارزانی لەبارەی چۆنیەتی بەشداریکردنی پارتی لەحکومەتی داهاتووی عێراق گەیاندووەتە ئێرانیەکان، بەڵام ناوبراو تەواوی زانیاری یەکانی ڕەتکردەوە، وتى "هیچ پەیامێکی جەنابی بارزانیم پێنەبوو، هاتم بۆ ئێران بەڕێکەوت لە فرۆکەخانە بافڵ تاڵەبانیم بینی، بەڵام هیچ پەیامێکم پێنەبووە."