گه‌ڕان

Shadow Shadow
سیاسه‌تی

بەپەلە

بەهۆی مەترسییەکانی تای خوێنبەربوون لە سلێمانی چەند بڕیارێک دەرکران

2022.07.03 - 18:04
App store icon Play store icon Play store icon
بەهۆی مەترسییەکانی تای خوێنبەربوون لە سلێمانی چەند بڕیارێک دەرکران

 

ناس کورد- 

لیژنەی باڵای ئەمنیی پارێزگای سلێمانی چەند بریار و رێنمایەکی نوێی بۆ رۆژانی جەژنی قوربان دەرکرد و لە نێوانیشیاندا سەربرینی ئاژەڵ لە کۆڵانەکان و سەرشەقامەکان و بناری گۆیژە قەدەغە دەکات.

کەناڵی ناس کورد لە تێلیگرام جۆین بکە   

 

بەگوێرەی ڕاگەیەنراوێکی قائیمقامییەتی سلێمانی بەمەبەستی خۆئامادەکردن و پێشوازیکردن لە رۆژانی جەژنی پیرۆزی قوربان، ئەمرۆ یەکشەمە ٣-٧-٢٠٢٢ لیژنەی باڵای ئەمنیی پارێزگای سلێمانی کۆبونەوە و لە کۆبوونەوکەدا باس لە چۆنیەتی گرتنەبەری رێکارەکانی خۆپارێزی کرا بۆ رێگریکرن لە بڵاوبوونەوەی پەتای کۆلێرا و پەتای خوێنبەربوون، بۆ ئەوەی تەندروستی هاووڵاتیانی شاری سلێمانی پارێزراوبێت و هاووڵاتیان بتوانن بە بەبێ گرفت  لە رۆژانی جەژندا قوربانیەکانیان ئەنجامبدەن.



ئاماژە بەوەشکراوە، هەر بۆیە لە کۆتایی کۆبونەوەکە لیژنەکە بریاریدا بە:

 

یەکەم: سلێمانی بە رووی گەشتیاراندا کراوە دەبێت.

 

دووەم: کوشتارگاکانی سلێمانی لە رۆژانی جەژن بەردەوام کراوەدەبن، تاوەکو هاوڵاتیانی شاری سلێمانی بتوانن قوربانیەکانیان لە کوشتارگاکان ئەنجام بدەن.

 

سێیەم: سەربرینی ئاژەڵەکان بەپێی رێنماییەکانی بەرێوەبەرایەتی ڤێتیرنەری سلێمانی دەبێت و ئاژەڵەکان پێش سەر برین پشکنینیان بۆ ئەنجام ئەدرێت و  دوای سەربرینیش پشکنین بۆ گۆشتەکەی ئەنجام ئەدرێت.

 

چوارەم: فرۆشتن و سەربرینی ئاژەڵ لە کۆڵانەکان و سەرشەقامەکان و بناری گۆیژە قەدەغەیە، و هەرکەسێک ئەنجامی بدات رێکاری یاسای لەگەڵدا دەگیرێتە بەر.

 

پێنجەم: لیژنە هاوبەشەکان بە هاوکاری هێزە ئەمنیەکان بەردەوام دەبن لە گەران و چاودێریکردن، تاوەکو سەرجەم بازار و دوکان و شوێنەگەشتیاریەکان پابەندی رێکارەکانی خۆپارێزی بڵاوبوونەوەی ڤایرۆس و پەتا گواستراوەکان بکرێن.