گه‌ڕان

Shadow Shadow
سیاسه‌تی

وردەکاریی

هەولێر؛ کەسێک خۆی کردووە بە پزیشک و وێنەی نەشیاوی ئافرەتان بڵاودەکاتەوە

2022.07.02 - 20:44
App store icon Play store icon Play store icon
هەولێر؛ کەسێک خۆی کردووە بە پزیشک و وێنەی نەشیاوی ئافرەتان بڵاودەکاتەوە

 

ناس کورد- 

 

لەشاری هەولێر گەنجێک خۆی بە پزیشک ناساندووە و چەندین ئافرەتی هەڵخەڵەتاندووە و دوای ئەوەی وێنەی نەشیاوی بە ئافرەتەکان ناردووە هەڕەشەی بڵاوکردنەوەی وێنەکانی کردووە لە تۆڕە کۆمەڵایەتییەکان. 

 

کەناڵی ناس کورد لە تێلیگرام جۆین بکە   

 

هۆگر عەزیز، وتەبێژی پۆلیسی هەولێر لە کۆنفرانسێکی ڕۆژنامەوانیدا (شەممە 2-7-2022) ڕایگەیاند، "دوای تۆمارکردنی سکاڵا، گەنجێکمان دەستگیرکرد کە هەڕەشەی بڵاوکردنەوەی وێنەی نەشیاوی لە کچێک کردبوو." 

 

وتیشی، "دوای ئەوەی کەسەکەمان دەستگیرکرد، دەرکەوت کە هەڕەشەی لە چەندین ئافرەتی دیکەش کردووە و داوای پارەی لێکردوون." 

 

ئاماژەی بەوەشکرد، "ئەو تۆمەتبارە لە ڕێگەی سۆشیاڵ میدیاوە خۆی بە پزیشک ناساندووە و دواتر خۆی دەکرد بە خۆشەویستی ئافرەتەکان و هەڵیخەڵەتاندن و وێنەی پێدەناردن و دواتر هەڕەشەی بڵاوکردنەوەی وێنەکانی لێکردوون لە گروپی (cts) لە تێلیگرام ئەگەر پارەی پێنەدەن." 

 

ئەوەشی خستەڕوو، "گەنجەکە خەڵکی شاری هەولێرە و لەئێستادا دەستگیرکراوە و سەرجەم بەڵگە و وێنەکانیش لەناوبراون و ئەو ئافرەتانە لەو کێشەیە ڕزگارکراون."