ناس کورد-
بەڕێوەبەرایەتی كەشناسی و بومەلەرزەزانی سلێمانی ڕایگەیاند، ئەمشەو شەپۆلێكی خۆڵبارین بەشێكی هەرێمی كوردستان دەگرێتەوە و كاریگەری شەپۆلەكە تا رۆژی یەكشەممە بەردەوام دەبێت.
کەناڵی ناس کورد لە تێلیگرام جۆین بکە
ئاسۆ كەمال، بەڕێوەبەری كەشناسی و بومەلەرزەزانی سلێمانی لە لێدوانێكی ڕۆژنامەوانیدا ڕایگەیاند، ئەمشەو هەینی 1/7/2022 شەپۆلێكی خۆڵبارین هەرێمی كوردستان دەگرێتەوە، بەڵام چڕ نابێت و شەپۆلەكە تا رۆژی یەكشەممە بەردەوام دەبێت.
ئاماژەی بەوەشکردووە، لە سنوری پارێزگای سلێمانی شەپۆلەكە كاریگەریەكی ئەوتۆی لەسەر نابێت، بەڵام بەچڕی خۆڵبارینەكە زیاتر لەسەر ناوەراست و باشوری عێراق و ئیدارەی گەرمیان و بەشێكی پارێزگای كەركوك دەبێت .
