شەپۆلە خۆڵبارینەکە دەگاتە چەند ناوچەیەکی هەرێمی کوردستان

ناس کورد- 

بەگوێرەی پێشبینییەکانی کەشناسی ئێوارەی ئەمڕۆ شەپۆلێکی خۆڵبارین ناوچەکانی هەرێمی کوردستان دەگرێتەوە و سبەینێش بەردەوام دەبێت.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا بەڕێوەبەرایەتی گشتیی کەشناسیی هەرێم ڕایگەیاند، ئەمڕۆ (هەینی 1-7-2022) ئاسمان بەگشتی ساماڵ دەبێت، لەکاتەکانی ئێوارە و شەودا بەهۆی زیاد بوونی خێرایی با ئەگەری بەرزبوونەوەی تۆزوخۆڵ هەیە. 

 

ئاماژەی بەوەشکردووە، "خێرایى با / لەسەرخۆ و مام ناوەند دەبێت (10- 20) کم/س لە هەندێک ناوچە چالاکتر دەبێت و زیاد دەبێت بۆ سەروی 30 کم/س." 

ئەوەشی خستووەتەڕوو، هەروەها سبەینێ شەممە ئاسمان ساماڵ دەبێت، بە هۆی زیاد بوونی خێرایی با ئەگەری بەرزبوونەوەی تۆزوخۆڵ هەیە بە تایبەت لە ناوچەکانی باشووری هەرێم .

 

بەگوێرەی پێشبینییەکان، سبەینێ پلەکانی گەرما بە نزیکەی 1 تا 2 پلە نزم دەبێتەوە لەگەڵ تۆمارکراوەکانی رۆژی پێشوو و بەمشێوەیە دەبێت:

هەولێر  : 41

سڵێمانی : 40

دهۆک  : 40

کەرکوک : 44

هەڵەبجە : 41

سۆران  : 37

راپەرین : 40

گەرمیان : 44