گه‌ڕان

Shadow Shadow
سیاسه‌تی

بەپەلە

وەزیری ناوخۆ ئەو ئۆتۆمبێلانەی دیاریکرد کە دەستیان بەسەردا دەگیرێت

2022.06.30 - 17:48
App store icon Play store icon Play store icon
وەزیری ناوخۆ ئەو ئۆتۆمبێلانەی دیاریکرد کە دەستیان بەسەردا دەگیرێت

ناس کورد-

 

وه‌زیری ناوخۆی حكومه‌تی هه‌رێمی كوردستان ڕایگەیاند، هه‌ست ده‌كرێت دیارده‌ی ته‌قه‌كردن و كوشتن له‌م ماوه‌یه‌دا زیادی كردووه‌، دوای گفتوگۆكردن له‌گه‌ڵ سه‌رۆكی حكومه‌تی هه‌رێمی كوردستان بڕیاردرا ده‌ستبه‌جێ ئه‌و شوێنانه‌ی كه‌ چه‌ك ده‌فرۆشن، دابخرێن و دەست بەسەر ئەو ئۆتۆمبێلانەشدا دەگیرێت کە کاری نایاسایی دەکەن.

 

کەناڵی ناس کورد لە تێلیگرام جۆین بکە   

 

ڕێبه‌ر ئه‌حمه‌د، وەزیری ناوخۆی هەرێم له‌ كۆنفرانسێكی رۆژنامه‌نوسیدا (پێنجشەممە 30-6-2022) ڕایگه‌یاند، فه‌رمانه‌كه‌ له‌ ته‌واوی پارێزگاكان وه‌ك خۆی جێبه‌جێكراوه‌، تا ئه‌و كاته‌ی یاسای نوێی هه‌ڵگرتنی چه‌ك ده‌كه‌وێته‌ بواری جێبه‌جێكردنه‌وه‌.

 

ئاماژەی بەوەشکرد، له‌ هه‌فته‌ی داهاتوو ئه‌و رێنماییانه‌ ده‌رده‌چن، به‌ میكانیزم و شێوازێكی یاسایی نوێ په‌یوه‌ندی نێوان ئه‌و شوێنانه‌ی چه‌ك ده‌فرۆشن و حكومه‌تی هه‌رێمی كوردستان رێكده‌خرێن، هه‌روه‌ها شێوازی كڕین و مامه‌ڵه‌كردن له‌لایه‌ن هاووڵاتیانه‌وه‌، یاخوود كێ مافی هه‌ڵگرتنی چه‌كی هه‌یه‌ چاره‌سه‌ر ده‌كرێن.

 

ئەوەشی خستەڕوو، پێویسته‌ گرنگی به‌ سه‌رپێچییه‌كانی هاتووچۆ بدرێت، سه‌رپێچی له‌ یاسا و رێنماییه‌كانی هاتووچۆ نه‌كرێن، بۆ ئه‌مه‌ ئاگاداری ئیداره‌ و پارێزگاكان كرایه‌وه‌، هه‌ر كه‌سێك نه‌شره‌و فه‌راره‌ له‌سه‌ر ئۆتۆمبێله‌كانیان به‌كار بهێنن یاخوود ده‌ستكاری ژماره‌ی تابلۆ و ره‌نگی ئۆتۆمبێله‌كه‌ی بكات، ده‌ستبه‌جێ ئه‌م ئۆتۆمبێله‌ و خاوه‌نه‌كه‌ی ده‌ستگیر ده‌كرێت و سزای به‌سه‌ردا ده‌سه‌پێندرێت.

 

وەزیری ناوخۆی هەرێم باسی لەوەشکرد، "زۆرجار له‌ سۆشیاڵ میدیا ده‌بیسترێت كه‌ كوڕ و كچانی به‌رپرسی به‌ده‌ر له‌ رێنماییه‌كان و یاساكان ئه‌نجام بده‌ن، خۆشبه‌خاتنه‌ هێزه‌ ئه‌منییه‌كان مه‌فره‌زه‌ پێكده‌هێنن، رۆژانه‌ ئه‌و كه‌سانه‌ ده‌ستگیر ده‌كه‌ن، كه‌ خۆیان به‌ ده‌ستڕۆیشتوو و خۆیان به‌ كوڕه‌ به‌رپرس داده‌نێن، سزا ده‌درێن".