گه‌ڕان

Shadow Shadow
سیاسه‌تی

زانیارى زیاتر

پارتى: هیوادارین هەڵبژاردن لە بەهاری ساڵی داهاتوو تێنەپەڕێت

2022.06.29 - 00:02
App store icon Play store icon Play store icon
پارتى: هیوادارین هەڵبژاردن لە بەهاری ساڵی داهاتوو تێنەپەڕێت

ناس کورد-

 

ئەندامێکى مەکتەبی سیاسی پارتى هیوا دەخوازێت هەڵبژاردنى پەرلەمانى کوردستان لە بەهاری ساڵی داهاتوو تێنەپەڕێت و جەختدەکاتەوە کە حزبەکەى لەگەڵ یەک بازنەییدایە.

کەناڵی ناس کورد لە تێلیگرام جۆین بکە   

 

جەعفەر ئیمینکى لە چاوپێکەوتنێکى تەلەفزیۆنیدا لەگەڵ "رووداو" وتى "ئێستا تۆماری دەنگدەران یەکلابووەتەوە، لایەنەکان لایان پەسەندە کە تۆماری دەنگدەرانی 2021ی عێراق بەکاربهێنرێت و لەسەر کورسی پێکهاتەکان، هەموو لایەنەکان هاوڕان لەسەر مانەوەی 11 کورسی بۆ پێکهاتەکان، بەڵام شێوازی دەنگدانیان رێکبخرێت بۆ ئەوەی دەنگی کۆتاکان بۆ خۆیان بچێت، کۆمیسیۆن کارابکرێتەوە و لایەنەکان خۆیان ئازادن نوێنەریان دەگۆڕن، بەڵام لە قۆناخی یەکەمدا دەبێت کارابکرێتەوە".

 

دەشڵێت "ئەوەی ماوەتەوە و یەکلانەبووەتەوە پرسی سیستمی هەڵبژاردنە، داواکراوە یەک بازنەیی بکرێتە چوار بازنەیی، ئەوەش تیمەکانی نەتەوەیەکگرتووەکان هەڵسەنگاندنی وردی بۆ دەکەن، یانی ئەوە نەبێت کە کێ قازانج دەکات و کێ زەرەر دەکات، دەبێت پرۆسەیەکی دادپەروەرانە بێت، ئاسانبێت بۆ هاووڵاتییان و کارلێکی سیاسیی باشبێت".

 

بەوتەى ئیمینکى، چوار حیزب داوادەکەن یەک بازنە بێت، چوار حیزبیش داوای چواربازنەیی و فرەبازنەیی دەکەن و پارتى لەگەڵ یەک بازنەییدایە.

 

لەبارەى ناکۆکییەکانى پارتى و یەکێتییەوە، ئیمینکى دەڵێت "جارێ زووە باسی ئەوە بکەین پارتی و یەكێتی بە ناکۆکییەوە دەچنە بەغدا، چونکە ئەو لێکتێگەیشتنەی ئەنجامی کۆبوونەوەی هەردوو مەکتەبی سیاسی لە ئاستێکی باشدابوو، دۆسیەی ئەمنی جیاکرایەوە بە جیاوازی چارەسەر بکرێت، دۆسیەی هاوئاهەنگی نێوان هەردوولا و گرفتەکان ئەوەی پەیوەستن بە کابینەی نۆیەم لەوێدا هەوڵیکی باشدراوە بۆ چارەسەرکردنی گرفتەکان، کە پێشتر هەوڵەکان لە لایەن کاک مەسرور و کاک قوبادەوە دراون".

 

هەروەها لەبارەى فشارەکانى حکومەتی فیدراڵی لەسەر هەرێم وتى "راستە بەغدا دەوڵەتە و حکومەتە، بەڵام وەڵڵاهی ئەو گوشارانە بەغدا نییە، گوشاری دەرەوەیە و گوشاری وڵاتانی ترە، هەمووشمان دەزانین، گوشاری دراوسێکانە، گوشاری ئێرانە".