گه‌ڕان

Shadow Shadow
سیاسه‌تی

زانیارى زیاتر

دادگاى سلێمانى: ڕێگەنەدرێت هیچ پێشمەرگە و ئاسایش و پۆلیسێک چەک بباتەوە ماڵەوە

2022.06.28 - 19:28
App store icon Play store icon Play store icon
دادگاى سلێمانى: ڕێگەنەدرێت هیچ پێشمەرگە و ئاسایش و پۆلیسێک چەک بباتەوە ماڵەوە

ناس کورد-

 

سەرۆکى دادگاى سلێمانى رایگەیاند، پێویستە وەزارەتەکانى ناوخۆ و پێشمەرگە بەهیچ شێوەیەک ڕێگە نەدەن هیچ پێشمەرگە و ئاسایش و پۆلیسێک چەک بەرێتەوە ماڵەوە و تەنها لەکاتی ئەرکدا ڕێگەیان بدەن چەکیان پێبێت.

کەناڵی ناس کورد لە تێلیگرام جۆین بکە   

 

ئەو وتانەى دادوەر جاسم جزاء جافر هەورامی سەرۆکی دادگای تێهەڵچونەوەی ناوچەی سلێمانی لەمیانەى سەردانێکیدا هات بۆ قەزای چەمچەماڵ کە تێیدا لەگەڵ دادوەران و بەرپرسانى سنورەکە کۆبووەوە، ئەوەش بەپێی راگەیەنراوێکى دادگا کە دەست "ناس کورد" کەوتووە.

 

دەقى راگەیەنراوەکە:

 

بەمەبەستی ئاگاداربوون لە چۆنیەتی بەڕێوەچوونی ئیشوکارەکان و لە نزیکەوە ئاگاداربوون لە کێشەو گرفتەکانیان و، لە درێژەی سەردان و بەسەرکردنەوەکانی بۆ دادگاکانی سەربە سەرۆکایەتیمان، ئەمڕۆ سێشەممە٢٨/٦/٢٠٢٢ بەڕێز دادوەر جاسم جزاء جافر هەورامی سەرۆکی دادگای تێهەڵچونەوەی ناوچەی سلێمانی قەزای چەمچەماڵی بەسەرکردەوە.

 

سەرەتا لەکاتژمێر (٨)ی بەیانی و پێش دەستپێکردنی دەوامی فەرمی گەیشتە دادگای چەمچەماڵ و دواتر لەگەڵ دادوەرانی دادگاکە کۆبوەوە.

 

سەرەتا بەڕێز سەرۆکی دادگا سوپاسی دادوەر و فەرمانبەرانی دادگاکەی کرد لەپای هەوڵی بەردەوامیان بۆ چەسپاندنی یاسا و خزمەتکردنی هاووڵاتیان.

 

دواتر بەشێوەیەکی مەیدانی بەشەکانی دادگاکە و فەرمانبەرانی بەسەر کردەوە و لە نزیکەوە گوێی بۆ کێشە و گرفەتەکانیان گرت کە گرنگترینیان کەمی فەرمانبەر و لێکۆڵەری دادوەری و خراپی کەرەستەکانی ناوبیناکەیان بوو.

 

هەر لەمیانی سەردانەکەیدا چاویکەوت بە بەڕێز جێگری داواکاری گشتی و، دواتر سەردانی ژووی پارێزەرانی چەمچەماڵی کرد و چەند وتەیەکی پێشکەش کردن.

 

دواتر بەڕێزیان سەردانی قائیمقامیەتی قەزای چەمچاڵی کرد و لەگەڵ بەڕێز ڕمک ڕەمەزان قائیمقامی قەزاکە و بەرپرسیارانی ئەمنی قەزاکە کۆبووەوە.

 

بەڕێز سەرۆکی دادگا بەناوی سەرۆکایەتی دادگاوە سوپاسی ناوبراوی کرد لە پای هەماهەنگی و هاوکاری بەردەوامی بۆ دادگا ، پاشان لە دیدارێکدا کە بە ئامادەبوونی بەرێزان دادوەری لێکۆڵینەوەی چەمچەماڵ و بەرێوەبەری پۆلیس و ئاسایش و پۆلیسی هاتوچۆ و پۆلیسی نەهێشتنی توندوتیژی و پۆلیسی پاراستنی دارستان بەڕێوەچوو گفتوگۆ کرا دەربارەی کێشە و گرفتەکانی ناوچەکە و دۆزینەوەی میکانیزمی گونجاو بۆ کەمکردنەوەی ڕێژەی تاوان و سەرپێچییەکان و چەسپاندنی زیاتری یاسا لە دەڤەرەکە.

 

بەڕێز سىەرۆکی دادگا ڕایگەیاند کە بەپێی ئامارەکان زۆرترین کێشەکانی ناوچەکە بەهۆی چەکەوەیە، کە هاووڵاتیان بە شێوەیەکی ئاسان دەستیان دەکەوێت و ژمارەیەکی زۆریان هەڵگری چەکی بێ موڵەتن، داوایکرد کە دادوەران هیچ چاوپۆشیەک لەو کەسانە نەکەن و لەچوارچێوەی یاسادا سزای توندیان بدەن.

 

بەڕێز سەرۆکی دادگا ڕایگەیاند کە پێویستە وەزارەتی ناوخۆ و وەزارتی پێشمەرگە بەهیچ شێوەیەک ڕێگە نەدەن هیچ پێشمەرگە و ئاسایش و پۆلیسێک چەک بەرێتەوە ماڵەوە و تەنها لەکاتی ئەرکدا ڕێگەیان بدەن چەکیان پێبێت.