گه‌ڕان

Shadow Shadow
سیاسه‌تی

دژە تیرۆر شوێنى ئاڕاستەکردنى موشەکەکان بەرەو  سەنگەرەکانی پێشمەرگە ئاشکرادەکات

2022.06.26 - 17:19
App store icon Play store icon Play store icon
دژە تیرۆر شوێنى ئاڕاستەکردنى موشەکەکان بەرەو  سەنگەرەکانی پێشمەرگە ئاشکرادەکات

ناس کورد-

 

دژە تیرۆرى هەرێم رایگەیاند، ئەو چوار موشەکەى ئاراستەی سەنگەرەکانی هێزی پێشمەرگە و سەربازگەی زێلکان کران لە سنورى نەینەواوە ئاڕاستەکراون.

 

کەناڵی ناس کورد لە تێلیگرام جۆین بکە   

 

بەپێی راگەیەنراوێکى دژە تیرۆر کە دەست "ناس کورد" کەوتووە، دوو لە مووشەکەکان لە نزیک فەوجی دووی لیوای 112ی هێزی پێشمەرگەی کوردستان کەوتوونەتە خوارەوە و، دوو مووشەکی دیکەشیان لە نزیک گوندی گودادی سەر بە ناحیەی باشیک نزیک لە سەربازگەی زێلکانی سوپای تورکیا کەوتنە خوارەوە و هیچ زیانێکی گیانی و ماددییان لێ نەکەوتووەتەوە.

 

دەقى راگەیەنراوەکە:

 

بە گوێرەی زانیارییەکانی دژەتیرۆری کوردستان، ئەمڕۆ یەکشەممە 26ی حوزەیرانی 2022، کاتژمێر 2:30ی پاشنیوەرۆ، چوار مووشەک لە سنووری نێوان دەروازەی بازگەی گەڕەکی تەحریر لە شاری مووسڵ و بازگەی دەروازەی باشیک لە سنووری دەسەڵاتی حکوومەتی فیدڕاڵی کە تێیدا میلیشیاکان باڵادەستن ئاراستەی سەنگەرەکانی هێزی پێشمەرگەی کوردستان و سەربازگەی زێلکان لە ناحیەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆ دەگرێت کران.

 

بە گوێرەی زانیارییەکان، دوو لە مووشەکەکان لە نزیک فەوجی دووی لیوای 112ی هێزی پێشمەرگەی کوردستان کەوتوونەتە خوارەوە و، دوو مووشەکی دیکەشیان لە نزیک گوندی گودادی سەر بە ناحیەی باشیک نزیک لە سەربازگەی زێلکانی سوپای تورکیا کەوتنە خوارەوە و هیچ زیانێکی گیانی و ماددییان لێ نەکەوتووەتەوە.