گه‌ڕان

Shadow Shadow
سیاسه‌تی

بازاڕە داراییەکان داڕوخان

زێڕ لەچەند چرکەیەکدا 50 دۆلار داکشا و دۆلاریش بەرەو لوتکە دەجوڵێت

2022.06.13 - 20:26
App store icon Play store icon Play store icon
زێڕ لەچەند چرکەیەکدا 50 دۆلار داکشا و دۆلاریش بەرەو لوتکە دەجوڵێت

ناس کورد-

زیانەکانی بازاڕە داراییەکان لە ڕۆژی دووشەممەدا فراوانتر بوون، لەگەڵ بوونى ترسی پاشەکشەی ئابووری، کە هاوکاتە لەگەڵ بەرزبوونەوەی ڕێژەی هەڵاوسان لە ئەمریکا و ئەوروپا بۆ ئاستێکی پێوانەیی و بەهۆیەوە زێڕ لەچەند چرکەیەکدا 50 دۆلار داکشا.

کەناڵی ناس کورد لە تێلیگرام جۆین بکە   

 

هەموو بازاڕە داراییەکان و پشک و کاڵا و کانزا و دراوی ئەلیکترۆنى دابەزین جگە لە دۆلار کە بە بەهێزى ماوەتەوە، ئەوەش بەپێی پێگەى (investing) ى سعودى.

 

لە چەند کاتژمێری ڕابردوودا تەنها پێوەرەکانی دۆلار  بەرزبوونەوەى چەسپاند، لە هەوڵێکدا بۆ تاقیکردنەوەی لوتکەی 20 ساڵە لە نزیک ئاستی 105 خاڵ.

 

بازاڕەکان خۆیان بۆ خراپترین حاڵەت ئامادە دەکەن دوای زریانی داتاکانی هەڵاوسان لە کۆتایی هەفتەی ڕابردوودا.

 

لە ئێستادا پێوەرەکانی دۆلار لە نزیک بەرزترین ئاستی خۆیدایە لە دوای 12ی ئایارەوە کە گەیشتە 105 خاڵ، بەو پێیەی پێوەرەکانی دۆلار لە نزیک 104.7 خاڵ مامەڵەی پێوەدەکرێت، کە بەڕێژەی 0.5% زیادیکردووە.

 

سەرەڕای هەڵکشانی ترسی هەڵاوسان، کە دەبێتە هۆی زیادبوونى ئارەزووی بازرگانان بۆ کڕینى زێڕ، بەڵام ئەو کانزاى بەنرخە لەژێر کاریگەرى دەستکەوتە بەهێزەکانی دۆلاردا دەرفەتەکەى لەدەستدا.

 

کانزا زەردەکە لەم ساتانەی کە ئەمڕۆ دووشەممە مامەڵەی پێوەدەکرێت، 2.5% کە دەکاتە 50 دۆلار دابەزیوە و هەر ئۆنسەیەک بە 1825 دۆلار مامەڵەى پێوەدەکرێت.