گه‌ڕان

Shadow Shadow
سیاسه‌تی

دایکى پێنج منداڵ

مێردى پێشوویەتى..بکوژى ژنەکەى هەولێر دەستگیرکرا

2022.06.12 - 18:31
App store icon Play store icon Play store icon
مێردى پێشوویەتى..بکوژى ژنەکەى هەولێر دەستگیرکرا

ناس کورد-

 

پۆلیسى هەولێر رایگەیاند، ژنەکەى هەولێر لەلایەن مێردى پێشوویەوە کوژراوە و بکوژەکەش دەستگیرکراوە.

کەناڵی ناس کورد لە تێلیگرام جۆین بکە   

 

پاش نیوەرۆى ئەمڕۆ ژنێکى 38 ساڵ بەناوى (جوان عەزیز حەسەن) لە گەڕەکی (ئاری) لەهەولێر کوژرا، لەلایەن کەسێکەوە بەناوى (ع. خ.) کە سەرەتا پۆلیس بە مێردەکەى ناویبرد، بەڵام دواى دەستگیرکردنى دەرکەوت پێش رووداوەکە لەیەک جیابوونەتەوە.

 

هۆگر عەزیز وتەبێژى پۆلیسى هەولێر (12-6-2022) لە کۆنفرانسێکى رۆژنامەنوسیدا وتى "ژنەکە پێنج منداڵى هەیە و لەلایەن هاوسەرى پێشوویەوە کوژراوە لەسەر کێشەى کۆنى خێزانى".

 

وتیشى "تۆمەتبارەکە کە دواى رووداوەکە هەڵهاتبوو، دواى بەدواداچوونى چڕ تونرا لە کەمتر لە سێ کاتژمێردا بدۆزرێتەوە و دەستگیربکرێت و دەست بەسەر چەکەکەشیدا گیرا".

 

هۆگ عەزیز باسى لەوەشکرد، پەڕاو بۆ دۆسیەکە ڕێکخراوە و دادوەرى لێکۆڵینەوە بەپێی ماددەى 406 فەرمانى زیندانیکردنى بۆ دەرکردووە.