گه‌ڕان

Shadow Shadow
سیاسه‌تی

پێش خۆکوشتنی چی وت؟

وردەکاریی خۆکوشتنی بەڵێندەرەکەی هەولێر

2022.06.12 - 16:03
App store icon Play store icon Play store icon
وردەکاریی خۆکوشتنی بەڵێندەرەکەی هەولێر

 

ناس کورد- 

 

کەسوکاری ئەو بەڵێندەرەی لە شاری هەولێر کۆتایی بە ژیانی خۆی هێنا دەڵێن، کوڕەکەیان چووەتە کۆمپانیای جێبەجێکاری پڕۆژەکە و وتوویەتی ئەگەر پارەکەی پێنەدەن خۆی دەکوژێت، دوای ئەوەی پارەکەیان پێنەداوە، کۆتایی بە ژیانی خۆی هێناوە.

 

کەناڵی ناس کورد لە تێلیگرام جۆین بکە   

 

ئەمڕۆ یەکشەممە 12-6-2022 بەڵێندەرێکی خەڵکی ڕۆژئاوای کوردستان لە شاری هەولێر بەناوی "ئەحمەد مەحمود" لەسەر پڕۆژەکەی بە گوللـەیەک کۆتایی بە ژیانی خۆی هێنا. 

 

کەسوکارەکەی لە بەردەم پزیشکی دادی هەولێر قسەیان بۆ میدیاکان کرد و ڕایانگەیاند، کوڕەکەیان بەهۆی کێشەی قەرزەوە کۆتایی بە ژیانی خۆی هێناوە. 

 

ئاماژەیان بەوەشکرد، "ئەو کاری بەڵێندەری کردووە، قەرزی کرێکارەکانی و خەڵکی لابووە، کۆمپانیای جێبەجێکاری پڕۆژەکەش قەرزاری ئەو بوون، چووەتە کۆمپانیا و داوای پارەکەی کردووە و وتویەتی ئەگەر پارەکەم پێ نەدەن خۆم دەکوژم." 

 

بەوتەی کەسوکارەکەی، دوای ئەوەی کە کۆمپانیاکە پارەکەیان پێنەداوە، ئەحمەد مەحمود کۆتایی بە ژیانی خۆی هێناوە. 

 

ئەحمەد مەحمود و کەسوکارەکەی کە خەڵکی قامیشلۆی ڕۆژئاوای کوردستانن، زیاتر لە 10 ساڵە لەشاری هەولێر دەژین.