گه‌ڕان

Shadow Shadow
سیاسه‌تی

زانیاریی زیاتر

وەزیری دارایی هەرێم: کۆکردنەوەی داهات لە سلێمانی لە ئاستی پێویستدا نییە

2022.06.11 - 12:41
App store icon Play store icon Play store icon
وەزیری دارایی هەرێم: کۆکردنەوەی داهات لە سلێمانی لە ئاستی پێویستدا نییە

ناس کورد-

وەزیری دارایی هەرێم ڕایگەیاند، بەپێی داتاکانی بەردەست، لە شاری سلێمانی داھاتی کۆکراوە لە ئاستی پێویستدا نییە.

کەناڵی ناس کورد لە تێلیگرام جۆین بکە   

 

ڕۆژی پێنجشەممەی ڕابردوو (9ی حوزەیرانی 2022)، ئاوات جەناب نوری، وەزیری دارایی و ئابووری حکومەتی ھەرێمی کوردستان بە ئامادەبوونی دکتۆر کەمال تەیب، بەڕێوەبەری گشتی باج، سەبارەت بە ھۆکارەکانی سستی لە کۆکردنەوەی داھات و پێنەدانی باج و ڕسومات لەلایەن کۆمپانیاکان و بازرگانان و شوێنە گەشتیاری و ھۆتێلەکان و سەرجەم ئەو سێکتەرانەی کە بە پێی یاسا و ڕێنماییەکان سیستەمی باج و ڕسومات دەیانگرێتەوە، بۆ جارێکی دیکە لەگەڵ سەرجەم بەڕێوەبەری باجەکانی سلێمانی کۆبووەوە.


بەپێی ڕاگەیەنراوی فەرمی، لە کۆبوونەوەکەدا وەزیری دارایی ئاماژەی بەوەدا کە بەپێی داتاکانی بەردەست بەراورد بە سەرچاوەکانی داھات لە شاری سلێمانی ڕێژەی داھاتی کۆکراوە لە ئاستی پێویستدا نییە و ئەوەش ڕاستەخۆ کاریگەری لەسەر بودجە و مووچەی فەرمانبەران و پرۆژەکان دەبێت.


وەزیری دارایی و ئابووری جەختیشیکردەوە کە "ھەموو ھەوڵەکانیان لەو چوارچێوەدایە کە جۆری خزمەتگوزارییەکان و پێشکەشکردنی خزمەت بە ھاووڵاتیانی ھەرێم بە گشتی و دانیشتووانی سنووری پارێزگاکانی سلێمانی و ھەڵەبجە و ئیدارەکانی گەرمیان و ڕاپەڕین لە ئاستێکی بەرزدا بێت."


هەر بەپێی ڕاگەیەنراوەکە، سەرجەم بەڕێوەبەری باجەکان بە شێوەیەکی ڕاشکاوانە کێشە و لەمپەرەکانی بەردەم کارەکانیان خستەڕوو و وەزیری داراییش بڕیاری پێویستی لەوبارەوە دەرکرد و بەڵێنی دا بەھەماھەنگی لەگەڵ سەرجەم وەزارەتەکانی حکومەت و لایەنە پەیوەندیدارەکان ئاستەنگەکانی بەردەم کۆکردنەوەی باج و داھات چارەسەر بکات.

286917812_382116733941994_4490319379618565571_n.jpg