گه‌ڕان

Shadow Shadow
سیاسه‌تی

زانیاریی زیاتر

وەزیری دارایی لەبارەی کێشەی مووچە و داهات لە سلێمانی بڕیاری دەرکرد

2022.06.09 - 20:48
App store icon Play store icon Play store icon
وەزیری دارایی لەبارەی کێشەی مووچە و داهات لە سلێمانی بڕیاری دەرکرد

 

ناس کورد-

وەزارەتی دارایی ڕایگەیاند، وەزیری دارایی و ئابوری بەردەوامە لە هەوڵەکانی بۆ نەهێشتن و کەمکردنەوەی لەمپەرەکانی بەردەم کۆکردنەوە و زیاترکردنی داها  بەتایبەت سنوری پارێزگای سلێمانی دەشڵێت، هەر لەوبارەیەوە بڕیاری پێویستی دەرکرد.

کەناڵی ناس کورد لە تێلیگرام جۆین بکە   

 

لە ڕاگەیەنراوێکدا وەزارەتی دارایی هەرێم (پێنجشەممە 9-6-2022) ڕایگەیاند، "ئەمڕۆ پێنجشەممە ئاوات جەناب نوری، وەزیری دارایی و ئابوری حکومەتی ھەرێم، بە ئامادەبونی دکتۆر کەمال تەیب، بەڕێوەبەری گشتی باجی ھەرێم، سەبارەت بە ھۆکارەکانی سستی لە کۆکردنەوەی داھات و پێنەدانی باج و ڕسومات لەلایەن کۆمپانیاکان و بازرگانان و شوێنە گەشتیاری و ھۆتێلەکان و سەرجەم ئەو سێکتەرانەی کە پێی یاسا و ڕێنماییەکان سیستمی باج و ڕسومات دەیانگرێتەوە، بۆ جارێکی دیکە لەگەڵ سەرجەم بەڕێوەبەری باجەکانی سلێمانی کۆبوەوە." 

 

بەگوێرەی ڕاگەیەنراوەکە، وەزیری دارایی ڕایگەیاندووە، " لەبەرمەبنای داتاکانی بەردەست بەراورد بە سەرچاوەکانی داھات لە شاری سلێمانی ڕێژەی داھاتی کۆکراوە لە ئاستی پێویستدا نیە و ئەوەش ڕاستەخۆ کاریگەری لەسەر بودجە و موچەی فەرمانبەران و پرۆژەکان دەبێت." 

 

وەزیری دارایی و ئابوری جەختیشیکردووەتەوە، " ھەموو ھەوڵەکانیان لەو چوارچێوەدایە کە جۆری خزمەتگوزارییەکان و پێشکەشکردنی خزمەت بە ھاوڵاتیانی ھەرێم بە گشتی و دانیشتسوانی سنوری پارێزگاکانی سلێمانی و ھەڵەبجە و ئیدارەکانی گەرمیان و ڕاپەڕین لە ئاستێکی بەرزدا بێت." 

 

لە ڕاگەیەنراوەکەدا ئەوەش هاتووە، لای خۆشیانەوە سەرجەم بەڕێوەبەری باجەکان بە شێوەیەکی ڕاشکاوانە کێشە و لەمپەرەکانی بەردەم کارەکانیان خستەڕوو.

 

وەزارەتی دارایی دەڵێت، " لەبەرامبەریشدا وەزیری دارایی بڕیاری پێویستی لەوبارەوە دەرکرد و بەڵێنی دا بەھەماھەنگی لەگەڵ سەرجەم وەزارەتەکانی حکومەت و لایەنە پەیوەندیدارەکان ئاستەنگەکانی بەردەم کۆکردنەوەی باج و داھات چارەسەربکات."