گه‌ڕان

Shadow Shadow
سیاسه‌تی

زیاتر بزانە

وەزارەتی بەرگری پڕۆژەیاسای سەربازیی زۆرەملێی تەواو کردووە.. هەرێمیش دەگرێتەوە؟

2022.06.04 - 12:27
App store icon Play store icon Play store icon
وەزارەتی بەرگری پڕۆژەیاسای سەربازیی زۆرەملێی تەواو کردووە.. هەرێمیش دەگرێتەوە؟

ناس کورد-

پەرلەمانتار موزیر ئەلکەراوی پشتڕاستی کردەوە کە وەزارەتی بەرگریی عێراق داڕشتنی پرۆژەیاسای سەربازیی زۆرەملێی تەواو کردووە و دەڵێت، "پەیوەندی بە هەرێمی کوردستانیشەوە هەیە."

کەناڵی ناس کورد لە تێلیگرام جۆین بکە   

 

ئەلكەراوی لە چاوپێكەوتنێكیدا لەگەڵ میدیای عێراقییەکان (4ی حوزەیرانی 2022) ڕایگەیاند، "وەزارەتی بەرگری پرۆژەیاسای سەربازیی زۆرەملێی تەواو كردووە و دەخرێتە بەردەم ئەنجومەنی وەزیران و لەوێشەوە ڕادەستی ئەمیندارێتی گشتی دەکرێت، ئەوانیش پێشكەشی پەرلەمانی عێراق دەکات و لیژنەی ئاسایش و بەرگری تاوتوێی دەکات بۆ پەسەندکردنی لە پەرلەمان."

 

ئاماژه‌ی به‌وه‌شكرد، "ئه‌گه‌ری دەرچوواندی یاساكه‌ له‌ ماوه‌یه‌كی كورتدا زۆر دورە، به‌تایبه‌تی كه‌ یاسایه‌كی گرنگ و ستراتیژی لەوشێوەیە پێویستی به‌ په‌ره‌پێدانی دیدێكی گشتگیر هەیە".

 

جەختیشی لەوە کردەوە کە "ئاماژە سەرەتاییەکان بۆ ئەوە دەچن کە دەرچوواندنی ئەو یاسایە ساڵانێک دەخایەنێت بۆ ئەوەی بە شێوەیەکی واقیعی جێبەجێ بکرێت، بە تایبەت کە پێویستی بە سیستەمێکی کارگێڕی گشتگیرە لە هەموو پارێزگاکان کە کەمپی مەشق و ڕاهێنانیان هەیە".

 

ئاماژه‌ی به‌وه‌شكردووه‌، "دۆسیەی موچەی ئەو كەسانەی یاساکە دەیانگرێتەوە پەیوەندی بە سێ هۆکارەوە هەیە کە بریتین لە ژمارەیان، دۆخی دارایی وڵات، هەروەها هەڵاوێردەکردنی هەڵگرانی بڕوانامەی زانكۆ".

 

ئاماژەی بەوەشدا كە "دۆسیەکە گرنگە بەڵام ماوەیەکی زۆری دەوێت بۆ چارەسەرکردنی کێشە و کەموکورتییەکان، بە تایبەت پێویستە لێکتێگەیشتن لەگەڵ هەرێمی کوردستان بکرێت چونکە ئەویش بەشێکە لە عێراق و دەبێت یاسەکە خەڵکی ناوچەکەش بگرێتەوە."