گه‌ڕان

Shadow Shadow
سیاسه‌تی

وردەکاریی

وەزیرى دارایی لەبارەى داهات و موچە بەڵێنێک دەدات

2022.06.01 - 17:40
App store icon Play store icon Play store icon
وەزیرى دارایی لەبارەى داهات و موچە بەڵێنێک دەدات

ناس کورد-

 

وەزیری دارایی و ئابووری هەرێم بەڵێنیدا بۆ کۆکردنەوەی داھات و شێوازی دابەشکردنەوەی بۆ موچە و پرۆژەکان بەزوترین کات لەگەڵ نوێنەری سەرجەم وەزارەتەکان کۆبونەوەی تایبەت ئەنجام بدات.

 

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتى دارایی کە دەست "ناس کورد" کەوتووە، ئاوات جەناب نوری وەزیری دارایی و ئابووری سەردانی دەروازەی نێودەوڵەتی پەروێزخانی کردووە به‌ ئامانجی لابردنی ئاسته‌نه‌گه‌كانی به‌رده‌م جوڵه‌ی بازرگانی.

 

دەقى راگەیەنراوەکە:

 

به‌ ئامانجی لابردنی ئاسته‌نه‌گه‌كانی به‌رده‌م جوڵه‌ی بازرگانی

وەزیری دارایی و ئابووری سەردانی دەروازەی نێودەوڵەتی پەروێزخانی کرد

 

ڕۆژی چوارشەممە ڕێکەوتی 2022/6/1، ئاوات جەناب نوری، وەزیری دارایی و ئابوری حکومەتی ھەرێم، به‌ ئامانجی لابردنی ئاسته‌نگه‌كانی به‌رده‌م جوڵه‌ی بازرگانی، بەشێوەیەکی مەیدانی دەروازەی نێودەوڵەتی پەروێز خانی بەسەرکردەوە.

 

وەزیری دارایی و ئابووری، لەمیانی سەردانەکەیدا لەگەڵ عەباس ئیسماعیل، سەرپەرشتیاری کۆمەڵگای دەروازەی نێودەوڵەتی پەروێزخان و سەرجەم لێپرسراوانی بنکە مەدەنی و سەربازییەکانی دەروازەکە کۆبوەوە و گفتوگۆی پێویست لەبارەی گرفت و ئاستەنگەکانی جوڵەی بازرگانی و گەشتیاری و کەمبونەوەی ڕێژەی داھات لەڕێگەی دەروازەکەوە کرا.

 

لایخۆشیەوە، سەرپەرشتیاری دەروازەکە و ئامادەبوانی کۆبوونەوەکە داوایان کرد بە ئامانجی زیاترکردنی داھات و زیاترکردنی جوڵەی بازرگانی کارئاسانی بۆ ھاوردەکردن و ھەناردەکردنی کاڵاکان و شێواز و نرخی گواستنەوە و ڕسوماتەکان بکرێت.

 

هاوكات، بەڕێز ئاوات جەناب نوری وەزیری دارایی و ئابوری، دوای خستنەڕووی ڕونکردنەوە و ھەوڵەکانی وەزارەتی دارایی و ئابووری، بۆ کۆکردنەوەی داھات و شێوازی دابەشکردنەوەی بۆ موچە و پرۆژەکان بەڵێنیدا بەزوترین کات لەگەڵ نوێنەری سەرجەم وەزارەتەکان کۆبونەوەی تایبەت بەو پرسانە بەڕێوەبچێت.

 

لە دوای کۆبوونەوەکە، وەزیری دارایی و ئابوری لەگەڵ نوێنەری سەرجەم بازرگانانی سنورەکە کۆبوەوە و نوێنەری بازرگانان سەرجەم گرفتەکانی بەردەم کارە بازرگانیەکانیان خستەڕوو.

 

لایخۆشیەوە وەزیری دارایی و ئابووری، بەڵێنی ئەوەی دا بە نوێنەری بازرگانان، لەگەڵ سەرجەم ئەو وەزارەتانەی کە کاری پێکەوەییان ھەیە لە دەروازەکان کۆبونەوەیەکی تایبەت ئەنجامبدەن بەئامانجی کارئاسانی بۆ زیاترکردنی جوڵەی بازرگانی و زیاتر بوژاندنەوەی دەروازەکە لەپێناو زیاترکردنی داھات و سود گەیاندن بە ھاوڵاتیان بەگشتی و بازاڕ و بازرگانان.