گه‌ڕان

Shadow Shadow
سیاسه‌تی

’’بەرپرسێکی دەزگای زانیاری’’

مەلا بەختیار زانیاریی نوێ لەبارەی ژەهرخواردکردنەکەی ئاشکرا دەکات

2022.05.31 - 10:20
App store icon Play store icon Play store icon
مەلا بەختیار زانیاریی نوێ لەبارەی ژەهرخواردکردنەکەی ئاشکرا دەکات

ناس کورد- 

مەلا بەختیار، ئەندامی ئەنجومەنی باڵا و بەرژەوەندیی یەکێتی ڕایگەیاند، لەنێو دەزگای زانیارییەوە ژەهرخوارد کراوە، دەشڵێت، تاوەکو ئێستا بافڵ تاڵەبانی وەڵامی داواکەی لەوبارەیەوە نەداوەتەوە.

کەناڵی ناس کورد لە تێلیگرام جۆین بکە   

 

مەلا بەختیار لە چاوپێکەوتنێکی تەلەفزیۆنیدا کە "ناس کورد" بینیویەتی دەڵێت، "لەنێو دەزگای زانیارییەوە ژەهرخوارد کراوم، بەڵام ناوی کەس ناهێنم و دەمەوێت حزبەکەم لێکۆڵینەوە بکات و ئەوە یەکلایی بکاتەوە، ئەگەرنا من 200% ژەهرخوارد کراوم." 

 

وتیشی، "ئەو نامەیەی لەوبارەیەوە ئاڕاستەی هەڤاڵ بافڵ و کارگێڕی مەکتەبی سیاسیم کرد تاوەکو ئێستا وەڵامم نەدراوەتەوە، لەکاتێکدا بەرپرسیارێتی ئەخلاقی و سیاسییان بوو وەڵامم بدەنەوە." 

 

ئاماژەی بەوەشکرد، "زانیارییەکانی کە چۆن ژەهرخوارد کراوم بە بافڵ تاڵەبانیم وتووە، ڕاپۆرتی پزیشکیم پێداون، نازانم بۆچی وەڵامم نادەنەوە، پێموایە دەترسن لەوەی یەکێک لە بەرپرسە باڵاکانی نێو دەزگای زانیاری ئاشکرا بێت کە ئەو تاوانەی کردووە." 

 

مەلا بەختیار جەختیشیکردەوە، "من پشوو دریژم، بەڵام ئەگەر هەر وەڵامم نەدرێتەوە ئەوا کەیسەکە دەبەمە دادگا."