پەیامێکی نوێ لە بافڵ تاڵەبانییەوە بۆ پارتی

ناس کورد- 

بافڵ تاڵەبانی پەیامێکی ئاڕاستەی پارتی کرد و ڕایگەیاند، لە هەڵبژاردنی داهاتوو کاندیدیان بۆ پۆستی سەرۆک وەزیران و سەرۆکی هەرێم دەبیت و دەیانەوێت ببنە ژمارە یەک.

کەناڵی ناس کورد لە تێلیگرام جۆین بکە   

 

بافڵ تاڵەبانی لە دیداری یەکێتیدا (شەممە 28-5-2022) ڕایگەیاند، "دەمانەوێت ببینە حزبی ژمارە یەک لە هەرێمی کوردستان و لایەنەکانی دیکەش لەگەڵ خۆمان کۆبکەینەوە و گۆڕانکاریی گەورە دروست بکەین." 

 

سەبارەت بەوەی وەک چۆن پارتی کاندید بۆ پۆستی سەرۆک کۆماری دیاری دەکات، لە هەرێمی کوردستانیش لەدوای هەڵبژاردنی داهاتوو، یەکێتی کاندیدی بۆ پۆستی سەرۆک وەزیران و سەرۆکی هەرێم دەبێت، بافڵ تاڵەبانی وتی، "بەڵێ لەدوای یەکلاکردنەوەی پۆستی سەرۆک کۆمار، لە هەرێمی کوردستانیش کاندیدمان بۆ پۆستی سەرۆک وەزیران و سەرۆکی هەرێم دەبێت." 

 

بافڵ تاڵەبانی بە پێشکەشکاری دیدارەکەی وت، "ئەسڵەن ئەوە چ پرسیارێکە تۆ دەیکەیت، ئێمە دەمانەوێت ببینە حزبی ژمارە یەک لە کوردستان." 

 

زیاتر بخوێنەرەوە: بافڵ تاڵەبانی باس لە ’’کشانەوەی یەکێتی لە حکومەت’’ دەکات