گه‌ڕان

Shadow Shadow
سیاسه‌تی

لە گەرمیان دوو ئافرەت خۆیان خنکاند

2022.05.27 - 11:38
App store icon Play store icon Play store icon
لە گەرمیان دوو ئافرەت خۆیان خنکاند

ناس کورد-

پۆلیسی گەرمیان ڕایگەیاند، لە دوو ڕووداوی جیادا، دوو ئافرەت بە خۆهەڵواسین کۆتاییان بە ژیانی خۆیان هێناوە.

 

کەناڵی ناس کورد لە تێلیگرام جۆین بکە   

 

عەلی جەمال قدووری، ڕاگەیاندنی پۆلیسی گەرمیان لە ڕوونکردنەوەیەکدا (27ی ئایاری 2022)، درەنگانێکی شەوی ڕابردوو لە گەڕەکی فەرمانبەرانی قەزای کەلار تەرمی ئافرەتێک لە نەتەوەی عەرەب بەناوی ( خ - خ - ع) لەدایکبووی 2000 کە ژنی ماڵەوە بووە هێنرایە بەشی فریاکەوتنی شەهید هەژار کە بەهۆی هەڵواسینەوە گیانی لەدەستدابوو، بە وتەی کەسوکاری ناوبراو، سێ مانگە زەواجی کردووە و ئەمشەو خۆی هەڵواسیوە و لە ئەنجامدا گیانی لەدەستداوە.

 

دەشڵێت، "بەرەبەیانی ئەمڕۆش لە گوندی ساڵح ئاغای سەر بە ناحییەی قۆرەتوو تەرمی کچێک بەناوی (ج- س - ا) لەدایکبووی ساڵی 2007 هێنرایە بەشی نەخۆشخانەی فریاکەوتنی شەهید هەژار لە کەلار کە بەهۆی هەڵواسینەوە گیانی لەدەستدابوو."


پۆلیسی گەرمیان باسی لەوەشکردووە کە "لەئێستادا توێکاری بۆ تەرمەکان کراوە و پۆلیسی گەرمیان پەڕاوی لێکۆڵینەوەی لەسەر ڕوداوەکان کردووەتەوە دەستیان بەلێکۆڵینەوە کردوە لەسەر هۆکاروچۆنێتی ڕووداوەکان".