گه‌ڕان

Shadow Shadow
سیاسه‌تی

وردەکاریی

شارەوانى هەولێر بە فرۆشتنى زەوى خزمەتگوزاریی دەگەیەنێتە گەڕەکێک

2022.05.24 - 16:25
App store icon Play store icon Play store icon
شارەوانى هەولێر بە فرۆشتنى زەوى خزمەتگوزاریی دەگەیەنێتە گەڕەکێک

ناس کورد-

سەرۆكایەتیی شارەوانیی هەولێر بڕیاریدا بە ڕێگەی زیادكردنی ئاشكرا دوو پارچە زەوى گرانبەها لە هەشتی حەسارۆک بخاتە مەزادەوە و پارەکەى بۆ گەیاندنی خزمەتگوزاریی بۆ ئەو گەڕەکە تەرخانبکرێت.

کەناڵی ناس کورد لە تێلیگرام جۆین بکە   

 

بەپێی راگەیەنراوێکى وەزارەتى شارەوانى کە دەست "ناس کورد" کەوتووە، سەرۆكایەتیی شارەوانیی هەولێر ڕۆژی یەكشەممەی داهاتوو (29/5/2022) كاتژمێر (12)ی نیوەڕۆ بە ڕێگەی زیادكردنی ئاشكرا، فرۆشتنی ئەو زەوییانە ڕادەگەیەنێت كە تەواوی پارەكەی بۆ گەیاندنی خزمەتگوزاری بە هەشتی حەسارۆک تەرخان دەكرێت.

 

دەقى راگەیەنراوەکە:

 

یەكشەممەی داهاتوو یەكەم بڕەپارەی تەرخانكراو لە فرۆشتنی وەزییەكان بە هەشتی حەسارۆک دەگات

 

بۆ خێراگەیاندنی خزمەتگوزارییەكانی هەشتی حەسارۆک، سەرۆكایەتیی شارەوانیی هەولێر ڕۆژی یەكشەممەی داهاتوو (29/5/2022) كاتژمێر (12)ی نیوەڕۆ لە سەرۆكایەتیی شارەوانی هەولێر، بە ڕێگەی زیادكردنی ئاشكرا، فرۆشتنی ئەو زەوییانە ڕادەگەیەنرێت كە تەواوی پارەكەی بۆ گەیاندنی خزمەتگوزاری بە هەشتی حەسارۆک تەرخان دەكرێت.

 

ژمارەی زەوییەكان:

1- 11561 /8ک 93حصاروک/ زەوی بازرگانی/ ڕووبەر: 3672 مەتر دووجا.

2- 11834 /8ک 93حصاروک/ زەوی بازرگانی/ ڕووبەر: 4752 مەتر دووجا.

بەپێی ئاگادارییەكی (لیژنەی یەكەمی فرۆشتن و كرێدان)ی سەرۆكایەتیی شارەوانیی هەولێر كە لە ڕێكەوتی 26/4/2022 بڵاوكراوەتەوە، ئەو پارچە زەوییانەی لە خوارەوە ئاماژەیان پێ كراوە، بە ڕێگەی زیادكردنی ئاشكرا و بەپێی یاسای ژمارە (1)ی ساڵی (2021) هەر كەسێک ئارەزووی بەشداریكردنی هەیە سەردانی سەرۆكایەتیی شارەوانیی هەولێر بكات بۆ دانانی بارمتەی یاسایی بەڕێژەی (50%) كەمتر نەبێت لە نرخی خەمڵێنراو. زیادكردنەكە لە (30) سییەمین ڕۆژی دوای بڵاوكردنەوەی ئەم ئاگەدارییە لە ڕۆژنامە لە كاتژمێر (12)ی نیوەڕۆ دەست پێ دەكات.