کێشەی مووچەی فەرمانبەرانی هەرێم دەبرێتە لای سەرۆکی دادگای فیدڕاڵیی عێراق

ناس کورد- 

ئەمینداری گشتی یەكگرتوو لەگەڵ سەرۆكی دادگای فیدڕاڵی کۆبووەوە و ڕایگەیاند، پاراستنی مافی هاوڵاتیان و مووچەخۆرانی هەرێم ئەرکێکی گرنگی دادگایە.

کەناڵی ناس کورد لە تێلیگرام جۆین بکە   

 

ئەمڕۆ سێشەممە 24-5-2022، سەلاحەدین بەهادین، ئەمینداری گشتیی یەکگرتووی ئیسلامی کوردستان  سەردانی جاسم محمد عەبود سەرۆکی دادگای فیدرالی کرد و کۆبوونەوە. 

 

بەگوێرەی ڕاگەیەنراوێکی یەکگرتوو، ئەمینداری گشتی یەکگرتوو ڕایگەیاند، " پاراستنی بنەما دەستورییەکان پێویستە بۆ سەقامگیری سیاسی و ئەوەش ئەرکێکە کە دەخوازێت دادگای فیدراڵی خۆڕاگر بێ بەرامبەر فشارە سیاسییەکان ." 

 

جەختیشیکردووەتەوە، " پاراستنی مافی هاوڵاتیان و مووچەخۆرانی هەرێم  ئەرکێکی تری گرنگی دادگایە کە دەبێ زامنی هەموو مافەکان بکات." 

 

بەگوێرەی ڕاگەیەنراوەکە، سەرۆکی دادگای فیدراڵی هاوڕا بووە کە رۆڵی دادگای فیدراڵی گرنگە بۆ پاراستنی سیستەمی فیدرالی و بنەما دەستورییەکان .

 

ئەوەش هاتووە، هەردوولا کۆک بوون کە دەبێ مافە دەستورییەکانی خەڵکی  عێراق و کوردستان پارێزراو بێت.