گه‌ڕان

Shadow Shadow
سیاسه‌تی

زیاتر بزانە

لە هێرشەکەی شەوی ڕابردووی سەر سەربازگەی تورکیا لە زلیکان گەنجێکی کورد کوژرا

2022.05.22 - 08:39
App store icon Play store icon Play store icon
لە هێرشەکەی شەوی ڕابردووی سەر سەربازگەی تورکیا لە زلیکان گەنجێکی کورد کوژرا

ناس کورد-

دژه‌ تیرۆری كوردستان له‌باره‌ی هێرشه‌كه‌ی شەوی ڕابردووی سه‌ر سه‌ربازگه‌ی توركیا له‌ زێلكان ڕایگه‌یاند، هێرشه‌كه‌ له‌ ڕێگه‌ی فڕۆكه‌ی بێ فڕۆكه‌وانه‌وه‌ ئه‌نجامدراوه‌.

کەناڵی ناس کورد لە تێلیگرام جۆین بکە   

 

دژه‌ تیرۆری كوردستان لە ڕاگەیەنراوێکدا (22ی ئایاری 2022) ڕایگه‌یاند، به‌گوێره‌ی زانیارییه‌كان لە ڕێگەی فڕۆکەی بێفڕۆکەوانەوە هێرشی مووشەکی كراوه‌ته‌ سەر سەربازگەی زێلکان لە ناحیەی باشیکی سەر بە پارێزگای نەینەوا کە تێیدا هێزەکانی سوپای تورکیا لەخۆ دەگرێت.

 

ڕاشیگه‌یاند، فڕۆکە بێفڕۆکەوانەکە بە مووشەک هێرشی کردووەتە سەر بنکەکە و بەهۆیەوە زیانی گیانی و ماددی بە بنکە سەربازییەکە کەوتووە.

 

لای خۆیه‌وه‌ محه‌مه‌د ئه‌مین گۆران، به‌ڕێوه‌به‌ری شاره‌دێی زێلكان تایبه‌ت بۆ میدیای پارتی ڕایگه‌یاند، به‌هۆی هێرشه‌كه‌ كه‌سێك له‌نێو بنكه‌ سه‌ربازییه‌كه‌ كه‌ كارمه‌ندی خزمه‌تگوزاری بنكه‌كه‌ بووه‌ به‌ سه‌ختی بریندار بووه‌ و دوای مانه‌وه‌ی كه‌متر له‌ كاتژمێرێك گیانی له‌ده‌ستداوه‌.

 

هه‌روه‌ها ڕایگه‌یاند، ئه‌وه‌ی كوژراوه‌‌‌ گه‌نجێكی كورده‌ و خه‌ڵكی شاره‌دێی كه‌له‌كچی سه‌ر به‌ شارۆچكه‌ی شێخانه‌ و ته‌مه‌ن 25 ساڵه‌، له‌ بنكه‌كه‌ وه‌ك چێشتلێنه‌ر كاری كردووه‌.

 

هه‌ر دوای هێرشه‌كه‌ش گرووپی (ئه‌حڕار شه‌نگال) هێرشه‌كه‌یان له‌ ئه‌ستۆ گرت و له‌ ڕاگه‌یه‌نراوێكدا ڕایان گه‌یاند كه‌ هێرشه‌كه‌یان به‌ درۆن و مووشه‌ك ئه‌نجامداوه‌ و هه‌روه‌ها زیانێكی زۆریان به‌ بنكه‌ی سه‌ربازی توركیا گه‌یاندووه‌.