گه‌ڕان

Shadow Shadow
سیاسه‌تی

زیاتر بزانە

یەکێتی: بەمزووانە ئەنجامی لێکۆڵینەوە لە کوشتنی زەکی چەلەبی بڵاودەکرێتەوە

2022.05.21 - 14:30
App store icon Play store icon Play store icon
یەکێتی: بەمزووانە ئەنجامی لێکۆڵینەوە لە کوشتنی زەکی چەلەبی بڵاودەکرێتەوە

ناس کورد-

لێپرسراوی مەکتەبی پەیوەندییەکانی یەکێتیی نیشتمانیی کوردستان ڕایگەیاند، کوشتنی زەکی چەلەبی "کەیسێکی جددییە بەلای حکومەتی سلێمانی و حکومەتی هەرێمی کوردستانەوە" و ئاشکراشی کرد "بەمزووانە لایەنە پەیوەندیدارەکان ئەنجامی لێکۆڵینەوەکان بڵاودەکەنەوە".

کەناڵی ناس کورد لە تێلیگرام جۆین بکە   

 

درەنگانێکی شەوی 17ی ئایاری 2022، لەسەر شەقامی بەختیاری لە سلێمانی ماتۆڕسوارێک کە دوو چەکداری دەماکداری لەسەر بوو تەقەی لە ڕێستۆرانتی "دەنیز" کرد و بەوهۆیەوە خاوەنی ڕێستۆرانتەکە بە ناوی زەکی چەلەبی کە خەڵکی باکوری کوردستان بەسەختی برینداربووە.

 

زەکی چەلەبی 50 ساڵە دوای چەند کاتژمێرێک مانەوە لە نەخۆشخانە و ئەنجامدانی دوو نەشتەرگەری بۆی، ئێوارەى ڕۆژی 18ی ئایاری 2022 گیانی لەدەست دا.

 

زەکی چەلەبی جگە لەوەی خاوەنی ڕێستۆرانت، نوێنەری پێشووی هەدەپە و نوێنەری كرێكارانی باكوریش بووە لە سلێمانی.

 

ئەمڕۆ شەممە شاندێکی پارتی دیموکراتی گەلان-هەدەپە لە سلێمانی لەگەڵ شاندێکی یەکێتیی نیشتمانیی کوردستان بە سەرۆکایەتیی ئەمین بابەشێخ، لێپرسراوی مەکتەبی پەیوەندییەکانی یەکێتی کۆبوونەوە.

 

دوا کۆبوونەوەکە ئەمین بابەشێخ، لێپرسراوی مەکتەبی پەیوەندییەکانی یەنەکە لە کۆنگرەیەکی ڕۆژنامەنووسییدا لەبارەی ناوەڕۆکی کۆبوونەوەکەوە ڕایگەیاند، کە لە کۆبوونەوەکەدا باسی چەندین بابەتیان کردووە و یەکێک لەو بابەتانە تیرۆرکردنی زەکی چەلەبی، پەنابەری سیاسیی باکووری کوردستان بووە لە سلێمانی.

%D8%A6%DB%95%D9%85%DB%8C%D9%86-%D8%A8%D8%A7%D8%A8%DB%95%D8%B4%DB%8E%D8%AE-1.jpg

وتیشی: "کوشتنی ئەم پیاوە حاڵەتێکە کە پەیوەندیی بە حکومەتەوە هەیە زیاتر، حکومەتی پارێزگای سلێمانی و حکومەتی هەرێمی کوردستانیش ئەم کەیسەیان زۆر بەجددیی وەرگرتووە و لە لێکۆڵینەوەدان."

 

ئەمین بابەشێخ ئاشکراشیکرد، "ئەوەندەی ئێمە تێگەیشتبین بەمنزیکانە ئەنجامی لێکۆڵینەوەکان لەسەر کوشتنی ئەو پیاوە بڵاودەکەنەوە."

 

لەبارەی هەڵهاتنی بکوژانی زەکی چەلەبی بۆ هەولێر، بەرپرسەکەی یەکێتی وتی: ئەو کەسانە لەهەر شوێنێک بن کە خەڵک دەکوژن، بێگومان دەستگیردەکرێن و هەموو هەوڵێک دەدرێت لە هەر شارێکی کوردستان بێت دەستگیربکرێن.

%D8%A6%DB%95%D9%85%DB%8C%D9%86-%D8%A8%D8%A7%D8%A8%DB%95%D8%B4%DB%8E%D8%AE-2.jpg