گه‌ڕان

Shadow Shadow
سیاسه‌تی

پۆلیسی سلێمانی لەبارەی گیان لەدەستدانی لیای 10 ساڵان ڕوونکردنەوەی دا

2022.05.20 - 22:34
App store icon Play store icon Play store icon
پۆلیسی سلێمانی لەبارەی گیان لەدەستدانی لیای 10 ساڵان ڕوونکردنەوەی دا

کەناڵی ناس کورد لە تێلیگرام جۆین بکە   

 

روونكردنەوەیەك لە بەڕێوەبەرایەتی پۆلیسی پارێزگای سلێمانی لە بارەی گیانلەدەستدانی لیا عەلی تەمەن 10 ساڵ

 

وەك بەڕێوەبەرایەتی پۆلیسی پارێزگای سلێمانی لە بارەی گیانلەدەستدانی لیا عەلی كە چەند رۆژێك لەمەوبەر گیانیلەدەستدا، لێرەوە بە هەموو لایەكی رادەگەیەنین كە هێزەكانی بەڕێوەبەرایەتی پۆلیسی پارێزگای سلێمانی، لە سەرەتای رووداوەكەوە لێكۆڵینەوەكانی دەسپێكردووەو سەرجەم كامێراكانی چاودێریی وەرگیراون و سەیر كراونەتەوە، بە بڕیاری بەڕێز دادوەر خاوەن ماڵی رووداوەكە، بانگهێشتی دادگا كراوە و لێكۆڵینەوەی لە گەڵدا كراوە و بە سپاردە ئازاد كراوە.

 

لەئێستاشدا بەبڕیاری بەڕێز دادوەرو بەئامادەبوونی مەفرەزەكانی بنكەی پۆلیسی راپەڕین و تیمەكانی بەشی پۆلیسی بەڵگەی تاوان و پزیشكانی دادوەری تەرمی كۆچكردوو لەناو گۆڕەكەی دەرهێنراوەتەوە و لە پزیشكی دادوەری سلێمانییە، توێكاریی بۆ لاشەكەی دەكرێت و لێكۆڵینەوەش لەرووداوەكە بەردەوام دەبێت.

 

بەداخەوە هەندێ لەدەزگای راگەیاندن و میدیایی، هەواڵ لەسەر گیانلەدەستدانی لیای 10 ساڵ بڵاودەكەنەوە، بێ گەڕانەوە بۆ لێدوانی پۆلیسی سلێمانی، كە ئەمەش زیان بەلێكۆڵینەوەكانی پۆلیس دەگەیەنێت.