پۆلیسی سلێمانی دەستگیرکردنی سێ باندی دزینی ئۆتۆمبێلی ڕاگەیاند

کەناڵی ناس کورد لە تێلیگرام جۆین بکە   

ناس کورد پۆلیسى سلێمانى ده‌ستگیركردنى سێ باندی دزیکردنی به‌تۆمه‌تى دزینى ئۆتۆمبیل له‌ناو سلێمانیدا ڕاگه‌یاند کە شەش ئۆتۆمبیلیان دزیوه‌ و به‌شێكیان گه‌ڕێنراونه‌ته‌وه‌. . نه‌قیب سه‌ركه‌ت ئه‌حمه‌د وته‌بێژى و به‌رێوه‌به‌رى ڕاگه‌یاندنى پۆلیسى سلێمانى له‌كۆنگره‌یه‌كى ڕۆژنامه‌وانیىدا ڕایگه‌یاند، له‌سه‌ره‌تاى ئه‌م مانگه‌وه‌ چه‌ند حاڵه‌تێكى دزینى ئۆتۆمبیل له‌ناو شارى سلێمانیدا ڕویداوه‌ تۆمه‌تبارانیش ده‌ستگیركراون. . وته‌بێژى پۆلیسى سلێمانى ڕایگەیاند، ژماره‌ى ئۆتۆمبیله‌ درزاوه‌كانى ناو شارى سلێمانى گه‌یشتووه‌ته‌ شەش ئۆتۆمبیل و له‌لایه‌ن 10 كه‌سه‌وه‌ لە سێ باندی جیاوازدا كه‌ ئێستا ده‌ستگیركراون دزراون. . ئاماژه‌ى بۆ ئه‌وه‌ش كردووه‌، ئه‌و تۆمبیله‌ ڕفێنراوانه‌ كڕین و فرۆشتینیشیان پێوه‌ كراوه‌ و یه‌كێك له‌و ئۆتۆمبێلانه‌ له‌قه‌زاى سۆران كه‌ له‌جۆرى لاندكرۆزه گه‌ڕێنراوه‌ته‌وه‌ ناو شاری سلێمانی. . له‌سه‌ر جۆرى ئۆتۆمبیله‌كانیش نه‌قیب سه‌ركه‌وت وتى ئۆتۆمبیله‌ دزراوەکان له‌جۆرى لاندکرۆز و جێبى ئه‌مریكى و مازدا و تویۆتا كرۆلا بوون. .