گه‌ڕان

Shadow Shadow
سیاسه‌تی

وردەکاریی

سێ ڕێکخراوى نێودەوڵەتى: ڕەنگە دەسەڵاتدارانی کورد بەرپرس بن لە ڕفاندن و تیرۆرکردنی سەردەشت عوسمان

2022.05.04 - 10:43
App store icon Play store icon Play store icon
سێ ڕێکخراوى نێودەوڵەتى: ڕەنگە دەسەڵاتدارانی کورد بەرپرس بن لە ڕفاندن و تیرۆرکردنی سەردەشت عوسمان

ناس کورد-

 

سێ رێکخراوى نێودەوڵەتى بوارى پاراستنى رۆژنامەنوسان رایانگەیاند، ڕەنگە دەسەڵاتدارانی کورد بەرپرس بن لە ڕفاندن و تیرۆرکردنی سەردەشت عوسمان و فشاریان خستبێتە سەر خێزان و هاوڕێیانی بۆ ئەوەی بێدەنگ بن.

 

کەناڵی ناس کورد لە تێلیگرام جۆین بکە   

 

رێکخراوەکان کە پێکهاتوون لە رێكخراوی رۆژنامەوانیی ئازادی بێسنور، پەیامنێرانی بێسنور و كۆمیتەی پاراستنی رۆژنامەنووسان (4-52022) لە راپۆرتێکدا لەبارەى تیرۆرکردنى سەردەشت عوسمان بەناونیشانى "جیهانێکی ئارامتر بۆ ڕاستی 2022 . تیرۆرکردنی سەردەشت عوسمان: پەردەهەڵدانەوە لەسەر بێبنەمایی گوتاری فەرمی" ئاماژەیان بەوەکردووە، لێکۆڵینەوە لە ڕفاندن و تیرۆرکردنی ئەو رۆژنامەنوسە شکستى هێناوە لە جێبەجێکردنی ستانداردە نێودەوڵەتییەکان بۆ لێکۆڵینەوە وەک پرۆتۆکۆلی مینیسۆتا.

 

دەشڵێن "هەروەها ئەنجامەکانمان چەندین گیروگرفت لە شیکردنەوەی فەرمی بۆ ڕووداوەکان و ئەنجامی دواتری لیژنەکە خستۆتە ڕوو".

 

"ئەم خاڵانە پێشنیاری تێوەگلانی دەسەڵاتدارانی کورد و دەزگا ئەمنییەکانیان دەکەن لە ڕفاندن و تیرۆرکردنی سەردەشت عوسمان: ناکۆکی لە ڕاپۆرتی توێکاری و دواکەوتن لە گەیاندنی بە خانەوادەی سەردەشت؛ باوەڕپێنەکراوی ئەوەی کە ئەنسارولئیسلام توانای ڕفاندن و گواستنەوەی سەردەشتی هەبێت بە بەرچاوی دەزگا ئەمنییەکان و بەناو بازگەکانی پشکنین کە لەلایەن پاسەوانەوە چاودێری دەکرێن؛ کشانەوەی تاکە بەڵگەی بەکارهاتوو؛ هەروەها هەڕەشەکانی دواتر بۆ سەر خانەوادەی سەردەشت لەلایەن بەرپرسانی حکومەتەوە". 

 

سێ رێکخراوەکە دەڵێن "لێکۆڵینەوەکەمان نیشانە و ئاماژەی باوەڕپێکراوی دۆزیەوە کە ڕەنگە دەسەڵاتدارانی کورد بەرپرس بن لە ڕفاندن و تیرۆرکردنی سەردەشت، و دواتر دەستیان هەبووە لە فشارخستنە سەر ئەندامانی خێزان و هاوڕێیانی سەردەشت و هەڕەشەکردن لێیان بۆ ئەوەی بێدەنگ بن".