ناس کورد-
مانگى رابردوو زیاتر لە 100 ملیۆن بەرمیل نەوت لەعێراقەوە هەناردەى دەرەوە کراوە، کە داهاتەکەى زیاترە لە 10 ملیار دۆلار.
کەناڵی ناس کورد لە تێلیگرام جۆین بکە
وەزارەتى نەوتى عێراق (1-5-2022) لە راگەیەنراوێکدا کە دەست "ناس کورد" کەوتووە رایگەیاند، مانگى رابردوو (101) مليۆن و (390) هەزارو (662) بەرمیل هەناردەکراوە.
ئاماژەى بەوەشکردووە، رۆژانە سێ ملیۆن و 380 هەزار بەرمیل هەناردەکراوە و نرخى هەر بەرمیلێکى بە (104.091) دۆلار فرۆشراوە.
وەزارەتى نەوت باسى لەوەشکردووە، داهاتى نەوتى فرۆشراو لەمانگى رابردوودا 10 ملیار و 550 ملیۆن دۆلار بووە.
