ناس کورد-
بەگوێرەی پێشبینییە کەشناسییەکان ئێوارەی ئەمڕۆ شەپۆلێکی بارانبارینی بەخوڕ بەشێک لە ناوچەکانی هەرێمی کوردستان دەگرێتەوە و ئەگەری بەرزبوونەوەی ئاستی ئاو و لافاو هەیە.
کەناڵی ناس کورد لە تێلیگرام جۆین بکە
لە بڵاوکراوەیەکدا ئاراس جەبار، شارەزای کەشناسی ڕایگەیاند، لە ئێستادا زنجیرەیەک ھەوری نزمی بروسکە و باراناوی ئاسمانی ناوچەکانی سنوری پارێزگای سلێمانی و ھەڵەبجەی پۆشیوە، هەروەها لە ناوچەکانی باشور و رۆژئاوای پارێزگای کەرکوک و ھەولێر و دھۆک و ئیدارەی گەرمیان ھەوری زۆر چر و باراناوی بە ئاراستەی ناوچەکەوەیە.
ئاماژەی بەوەشکردووە، لە ماوەکانی داهاتوودا بارانبارینی بەخوڕ و ھەورە تریشقە زۆربەی ناوچەکان دەگرێتەوە بە رێژەی و بڕی جیاواز، لەھەندێک ناوچەشدا ئەگەری بەرزبوونەوەی ئاستی ئاو دەبێت.
