ناس کورد-
سەرۆکی لیژنەی یاسایی ل پەرلەمانی کوردستان ڕایگەیاند، بەڕێوەنەچوونی کۆبوونەوەکانی پەرلەمان پێچەوانەی یاسا و دەستوور و پەیڕەوی ناوخۆیە.
کەناڵی ناس کورد لە تێلیگرام جۆین بکە
بژار کۆچەر، سەرۆکی لیژنەی یاسایی لە پەرلەمانی کوردستان لە فراکسیۆنی پارتی (یەکشەممە 10-4-2022) بە میدیای فەرمیی حزبەکەی ڕاگەیاند، "پێویستە کۆبوونەوەکانی پەرلەمان بەردەوام بن، بەتایبەتی ساڵی کۆتایی ئەم خولەی پەرلەمانی کوردستانە و پێویستی بە زۆرترین کۆبوونەوە هەیە، لەبەر ئەوەش نابێت لەژێر هیچ بیانوویەکدا کۆبوونەوەکانی پەرلەمان ڕابگیرێن.''
ئاماژەی بەوەشکردووە، "بەڕێوەنەچوونی کۆبوونەوەکانی پەرلەمان پێچەوانەی یاسا و دەستوور و پەیڕەوی ناخۆیە.''
پەرلەمانتارەکەی پارتی جەختیشیکردووەتەوە، "ناکرێت لەژێر فشاری هیچ کەس و لایەنێک و بۆ بەرژەوەندیی هیچ لایەنێک کۆبوونەوەی پەرلەمان بەڕێوە نەچێت، بەپێچەوانەوە پەرلەمانی کوردستان موڵکی هیچ کەس و لایەنێک نییە، بەڵکو پەرلەمان موڵکی خەڵکی کوردستانە.''
