گه‌ڕان

Shadow Shadow
سیاسه‌تی

خۆڵبارین

زانیاری لەبارەى شەپۆلی خۆڵبارین لەسەر ناوچەکانی هەرێم

2022.04.09 - 09:26
App store icon Play store icon Play store icon
زانیاری لەبارەى شەپۆلی خۆڵبارین لەسەر ناوچەکانی هەرێم

ناس کورد-

بەپێی پێشبینییە کەشناسییەکان، شەپۆلی خۆڵبارین لە زۆربەی ناوچەکانی عێراق بەردەوام دەبێت و لەگەڵیشیدا پلەکانی گەرما زیاتر نزم دەبنەوە.

کەناڵی ناس کورد لە تێلیگرام جۆین بکە   

 

عەلی موسەوی، کەشناسی دیاری عێراقی لە ڕوونکردنەوەیەکدا (9ی نیسانی 2022) نوسیویەتی، "لەئێستادا کەشوهەوای وڵات بە دۆخێکی ناسەقامگیردا تێپەڕدەبێت، شارەکانی باکور (هەرێمی کوردستان) توشی شەپۆلێکی مامناوەندی خۆڵبارین دەبێتەوە، هەروەها کاریگەری دەبێت بۆسەر پارێزگای سەڵاحەدین و ئەنبار و ناوچەکانی ناوەڕاستیش".

 

جەختیکردووەتەوە کە "شەپۆلەکە تۆپەڵەهەوایەکی سادیشی لەگەڵدایە."

 

ئەو کەشناسە پێشبینی دەکات "لە ماوەی چەند کاتژمێری داهاتوودا شەپۆلی خۆڵبارین بگاتە ناوچەکانی ناوەڕاست و هەوایەکی ساردیشی لەگەڵدا دەبێت و بەهۆیەوە پلەکانی گەرما زۆر دادەبەزن".

 

بەڵام عەلی موسەوی باسی لە هیچ ئەگەر و پێشبینییەکی نەکردووە بۆ بارانبارین.