ناس کورد-
محەمەد حسێن درودی، داواکاری گشتیی پارێزگای خۆراسان لە ئێران ڕایگەیاند، ئەو کەسەی بە چەقۆ هێرشی کردە سەر سێ پیاوی ئاینی لە گۆڕەپانی سەرەکی ئیمام ڕەزا لە مەشهەد "بیانییە".
کەناڵی ناس کورد لە تێلیگرام جۆین بکە
دوای نیوەڕۆی دوێنێ سێشەممە (5ی نیسانی 2022) لە گۆڕەپانی مەزاری ئیمام ڕەزا لە شاری مەشهەدی ئێران، کەسێک بە چەقۆ هێرشی کردە سەر سێ پیاوی ئاینیی شیعەکان (ئاخوند) و یەکێکیان بەهۆیەوە گیانی لەدەست دا.
داواکاری گشتیی پارێزگاکە ڕایگەیاند، دەستبەجێ دوای ڕووداوەکە هێرشکارەکە دەستگیرکراوە و لێکۆڵینەوەی لێکراوە، هەروەها چوار کەسی تر دەستگیرکراوە کە گوماندەکرێت تێوەگلابن لە ڕووداوەکە و هاوکاری هێرشکارەکەیان کردبێت لە هێرشەکەیدا.
میدیاکانی ئێران دەڵێن هێرشکارەکە بە ڕەچەڵەک ئەفغانییە.
داواکاری گشتی وتیشی، هێرشکارەکە "کاریگەر بووە بە بیروبۆچوونی تەکفیری" و جەختیکردەوە کە "پێویستە بەرپرسان زیاتر ئاگاداری ئەم جۆرە ڕووداوە بن."
هاوکات یەعقوب عەلی، پارێزگاری خوراسان پێی وایە هێرشکارەکە سەر بە گروپێکی "تەکفیرییە" و پێشتر کارەکە پلانی بۆ دانراوە.
ئەو دوو پیاوە ئاینییەی لە هێرشەکەدا بریندار بوون لەژێر چاودێری توندی تەندروستیدان و دەزگاکانی ڕاگەیاندن ناتوانن لێدوانیان لێ وەربگرن.
وێنەی هێرشکارەکە
وێنەی ئەو سێ ئاخوندەی کە هێرشیان کرایەسەر
وێنەی ئەو ئاخوندەی کە بەهۆی هێرشەکەوە گیانی لەدەست دا
