ناس کورد-
پارێزگارى هەولێر رایگەیاند، بڕى حەوت ملیار و 500 ملیۆن دینار بەسەر زیانلێکەوتووانى لافاوەکەى هەولێردا دابەشدەکرێت.
کەناڵی ناس کورد لە تێلیگرام جۆین بکە
ئومێد خۆشناو (27-3-2022) لە کۆنفرانسێکى رۆژنامەنوسیدا ئاماژەى بەوەکرد، ئەو بڕە پارەیە لەلایەن حکومەتى هەرێم و خێرخوازانەوە دابین کراوە و بەسەر زیانلێکەوتووانى لافاوەکەى هەولێردا دابەشدەکرێت.
وتیشى هەروەها لیژنەى لێکۆڵینەوە لەهۆکارى لافاوەکە لەچەند رۆژى داهاتوودا ئەنجامى لێکۆڵینەوەکەى رادەگەیەنێت و بۆ راى گشتى بڵاودەکرێتەوە.
پارێزگارى هەولێر باسى لەوەشکرد، بڕیارەکانى لیژنەکە تایبەت دەبن بە سزادانى ئەو پرۆژانەى بوونە هۆکارى ئەوەى زیانى لافاوەکە زیاتر بێت، لەگەڵ ئەو شوێنانەى زیادەڕۆییان کردووە.
