گه‌ڕان

Shadow Shadow
سیاسه‌تی

زیاتر بزانە

نوری مالیکی پێشبینی خۆی لەبارەى دانیشتنی داهاتووی پەرلەمان ئاشکرا کرد

2022.03.23 - 22:09
App store icon Play store icon Play store icon
نوری مالیکی پێشبینی خۆی لەبارەى دانیشتنی داهاتووی پەرلەمان ئاشکرا کرد

ناس کورد-

نوری مالیکی، سەرۆکی هاوپەیمانی دەوڵەتی یاسا پێشبینی دەکات ڕێژەی یاسایی دانیشتنی رۆژی شەممەی پەرلەمانی عێراق تەواو نەبێت کە تایبەتە بە هەڵبژاردنی سەرۆککۆمار.

کەناڵی ناس کورد لە تێلیگرام جۆین بکە   

 

نوری مالیکی لە چاوپێکەوتنێکی تەلەفزیۆنیدا (23-3-2022) دەڵێت، "دانیشتنی داهاتووی پەرلەمانی عێراق جومگەییە، پێشبینی دەکەم سەرۆکایەتی پەرلەمان نەتوانێت دانیشتنەکە ببەستێت بەهۆی ڕێژەی یاساییەوە."

 

دەشڵێت، "ئەستەمە هاوپەیمانیی سێقۆڵی (پارتی و سوننە و سەدر) بتوانێت 220 پەرلەمانتار کۆبکاتەوە" و ڕوونیکردووەتەوە کە "ئەگەر دانیشتنەکە ئەنجام نەدرا، هاوپەیمانیی سێقۆڵی ناچار دەبێت لەگەڵ چوارچێوەی هەماهەنگی بکەوێتە دانوستان."

 

ئێوارەی ئەمڕۆ هاوپەیمانیی سێقۆڵی پارتی و سەدر و سوننە بە ناوی "ڕزگارکردنی نیشتمان" ڕاگەیەنرا و جەختیانکردەوە کە ڕێبەر ئەحمەد کاندیدی ئەوانە بۆ پۆستی سەرۆککۆمار و هەروەها محەمەد جەعفەر سەدر کە ئامۆزای موقتەدا سەدرە کاندیدە بۆ پۆستی سەرۆکوەزیران.