گه‌ڕان

Shadow Shadow
سیاسه‌تی

’’سەخت و مەترسیدار’’

سێ هۆکار ’’رێگرن’’ لە سۆراغى سێ گەنجەکەى ماوەت

2022.03.22 - 22:01
App store icon Play store icon Play store icon
سێ هۆکار ’’رێگرن’’ لە سۆراغى سێ گەنجەکەى ماوەت

ناس کورد-

قایمقامى ماوەت رایگەیاند، بەهۆى سێ هۆکارەوە نەتوانرا سۆراغى ئەو سێ گەنجە بکرێت کە کەوتونەتە ناو چەمی خەمەڵوكە و سبەینێ تیمێكی مەلەوانی خاوەن ئەزموون بەدوایاندا دەگەرێن.

 

کەناڵی ناس کورد لە تێلیگرام جۆین بکە   

 

کامەران حەسەن (22-3-2022) لە راگەیەنراوێکدا ئاماژەى بەوەکرد، پاش ئاوەی دوێنی لە ئێوارەیەكی درەنگ وەختدا، سێ گەنج بە ناوەكانی (هەڵكەوت نوری) و (كۆسار نەوزاد) و ( دەروون ڕەوف) کەوتن نێو چەمی خەمەڵوكە لە خوار قەزای ماوەت، هەر لە شەوی ڕابردوەوە هەڵمەتی گەڕان بە دوایاندا دەستی پێكرد.

 

وتیشى ئەمڕۆش لە لایەن تیمەكانی غەواس و تیمی فڕۆكەوانی بەڕێوەبەرایەتی بەرگری شارستانی سلێمانی و كەس و كارو خەڵكانی خۆبەخش و دەزگاكانی پۆلیس و ئاسایشی قەزای ماوەت، هەڵمەتی گەڕان بەردەوام بوو. بەڵام بە هۆی خوڕی و خێرایی چەمەكە و ساردی ئاوەكە و سەختی شوێنی چەمەكە، نەتوانرا سۆراغیان بکرێت.

 

قایمقامى ماوەت دەڵێت، سبەی ئەم هەڵمەتە بەردەوام دەبێت، تیمێكی مەلەوانی خاوەن ئەزموون لە تەق تەقەوە دێنە ماوەت بۆ هەمان مەبەست.

 

دەشڵێت "بە داخەوە كە ئەم سێ گەنجە چوونەتە شوێنیكی مەترسیدار،كە هەرگیز ئەو شوێنە شوێنی سەیران و گەشتیاری نەبووە و تەنانەت ڕێگای گەیشتن بەو شوێنەش زۆر سەخت و مەترسیدارە".