ناس کورد-
سەرۆکى فراکسیۆنى پارتى لەپەرلەمانى عێراق رایگەیاند، ئەگەر 26ی مانگ سەرۆک کۆمار هەڵنەبژێردرێت، هیچ رێگەیەک نامێنێت جگە لەهەڵوەشاندنەوەى پەرلەمان و دوبارەکردنەوەى هەڵبژاردن.
کەناڵی ناس کورد لە تێلیگرام جۆین بکە
ڤیان سەبرى لە چاوپێکەوتنێکى تەلەفزیۆنیدا (22-3-2022) ئاماژەى بەوەکرد، پێویستە 220 ئەندام ئامادەبن لەکۆبوونەوەى تایبەت بە هەڵبژاردنى سەرۆک کۆمار و پڕۆسەکە ئاڵۆزە.
وتیشى وادیارە دواى داواکەى سەدر ژمارەیەکى زۆرى سەربەخۆش ئامادەبن، چونکە نایانەوێت ببنە هۆى پەکخستنى پڕۆسەى سیاسی.
ڤیان سەبرى دەلێت، ئەگەر لەو دانیشتنەدا سەرۆک کۆمار هەڵنەبژێردرێت دۆخەکە زۆر ئاڵۆزتر دەبێت، هیچ رێگەیەک نامێنێت جگە لە هەڵوەشاندنەوەى پەرلەمان و دوبارەکردنەوەى هەڵبژاردن، ئەوەش زۆر زۆر زەحمەتە.
