گه‌ڕان

Shadow Shadow
سیاسه‌تی

زانیاریی زیاتر

پێشبینییەکی نوێ بۆ کەشوهەوای ڕۆژانی نەورۆز

2022.03.18 - 15:43
App store icon Play store icon Play store icon
پێشبینییەکی نوێ بۆ کەشوهەوای ڕۆژانی نەورۆز

ناس کورد- 

بەگوێرەی پێشبینییە کەشناسییەکان، ڕۆژانی نەورۆز لە ناوچەکانی هەرێم کەشوهەوا سەقامگیر و ئاسمان هەور دەبێت، لە هەندێک کاتیش لە ناوچە شاخاوییەکان ئەگەری بارانبارین هەیە.

کەناڵی ناس کورد لە تێلیگرام جۆین بکە   

 

لە بڵاوکراوەیەکدا ئاراس جەبار، شارەزای کەشناسی ڕایگەیاند، " سبەینێ شەممە ١٩-٣-٢٠٢٢ لە ئەنجامی بەردەوامی کاریگەرییەکانی نزمەپاڵەپەستۆی دەریای ناوەراست کاتەکانی دوای نیوەرۆ ئاسمانی ھەرێم بە زۆری دەگۆرێت  بۆ نیمچە ھەور و شەپۆلێکی مامناوەند بۆ لاوازی بارانبارین ناوچە جیاجیاکانی سنوری پارێزگای دھۆک و ھەولێر دەگرێتەوە بەگشتی لەناوچە شاخاوییەکاندا کاریگەری مامناوەند دەبێت و لە ناوچە نزمەکاندا لاواز دەبێت." 

 

ئاماژەی بەوەشکردووە، " لە کاتەکانی ئێوارە و شەوی شەممە کاریگەری ئەم شەپۆلە بەلاوازی درێژ دەبێتەوە بۆ سنوری ئیدارەی راپەرین و پارێزگای سلێمانی بە شێوەی نمە بارانی پچر پچر لەھەندێ کاتدا کاریگەری دەبێت." 

 

ئەوەشی خستووەتەڕوو، " کەشی رۆژانی نەورۆزیش زیاتر سەقامگیر دەبێت و ئاسمانی ناوچەکانمان بە زۆری نیمچە ھەور بۆ ھەوری تەواو دەبێت و ھەندێک کاتیش ئەگەری بارانبارین دەبێت بەرێژەی کەم و مامناوەند بەتایبەت لەناوچە شاخاوییەکاندا."