ناس کورد-
پۆلیسى سلێمانى دەستگیرکردنى چوار تۆمەتبارى بەتۆمەتی بەكارهێنانی مادەی هۆشبەر لەیەكێك لەپڕۆژە گەشتیارییەكانی قەزای دوكان راگەیاند.
کەناڵی ناس کورد لە تێلیگرام جۆین بکە
بەپێی راگەیەنراوێکى پۆلیس (17-3-2022) دوای ئەوەی گومان لەچوار گەشتیاری بەناسنامە عەرەب كرا لەیەكێك لەپڕۆژە گەشتیارییەكانی قەزای دوكان كە بەكارهێنەری مادەی هۆشبەرن، پاش وەرگرتنی بڕیاری دادوەر، دەستبەجێ مەفرەزەكانی بەشی پۆلیسی دوكان گەیشتنە شوێنی مانەوەی گەشتیارەكان و تونرا دەستبگیرێت بەسەر بڕێك ماددەی هۆشبەر و سەرجەم تۆمەتباران دەستگیربكرێن.
ئاماژە بەوەشکراوە، لەئێستادا تۆمەتباران (ح. ا. خ لە دایكبووی ٢٠٠٠) ، (ی. ش. ع لە دایكبووی ١٩٩٨ ) ، (ا. ح. م لە دایكبووی ١٩٩٠) و (ا. ع. غ لە دایكبووی ١٩٩٩ ) سەرجەمیان بەناسنامە عەرەبن و دانیشتوی شاری بەغدان و بەمەبەستی گەشتكردن هاتوونەتە قەزای دوكان، بەبڕیاری بەڕێز دادوەر ڕاگیراون ، دوای ناردنیان بۆ پشكنین دەركەوت كە بەكارهێنەری مادەی هۆشبەرن.
