ناس کورد-
قەیس خەزعەلی، ئەمینداری بزوتنەوەی عەسائیبی ئەهلی حەق داوا لە هێزە کوردی و شیعییەکان دەکات لەسەر پۆستی سەرۆککۆمار و سەرۆکوەزیرانی ڕێکبکەون هاوشێوەی سوننەکان.
کەناڵی ناس کورد لە تێلیگرام جۆین بکە
قەیس خەزعەلی لە تویتێکدا (11-3-2022) دەڵێت، "هەڵبژاردنی سەرۆکی پەرلەمان زۆر خێرا بوو چونکە هێزە سوننەکان لەناو خۆیاندا پێکهاتن، پێمان وایە دەبێت هێزە کوردییەکانیش هەوڵەکانیان چڕبکەنەوە بۆ گەیشتن بۆ ڕێککەوتن لەسەر پۆستی سەرۆککۆمار، هەروەها هێزە شیعییەکانیش لەسەر پۆستی سەرۆکوەزیران."
دەشڵێت، هەموو ئەوانە "بۆ تەواوکردنی کابینە و پێکهێنانی حکومەت بە زووترین کات، چونکە پێکهێنانی حکومەت ئامڕازە نەک ئامانج بە تایبەت کە ئێستا دۆخی ئابوری خراپتر دەبێت."
