گه‌ڕان

Shadow Shadow
سیاسه‌تی

زیاتر بزانە

حکومەتی نوێی عێراق ’’دەکەوێتە دوای جەژن’’ و گرێ کوێرەکەش لای کوردە

2022.03.06 - 09:27
App store icon Play store icon Play store icon
حکومەتی نوێی عێراق ’’دەکەوێتە دوای جەژن’’ و گرێ کوێرەکەش لای کوردە

ناس كورد-
چەند پەرلەمانتارێک پێشبینی دەکەن بەهۆی دواکەوتنی گفتوگۆ و دانوستانی نێوان لایەنە سیاسییەکان، پێکهێنانی حکومەتی نوێی عێراق بگاتە مانگی ئایاری داهاتوو، واتە دوای جەژن.

کەناڵی ناس کورد لە تێلیگرام جۆین بکە   

 

یاسر وتوت لە لێدوانێکدا بۆ ڕۆژنامەی "سەباحی" فەرمی (6-3-2022) ڕایگەیاند، "زانیارییەکان ئاماژە بەوەدەکەن کە حکومەت دوای جەژنی ڕەمەزانی پیرۆز پێکدەهێنرێت" و دەڵێت، "ئەو گرێیەی کە ئێستا کەوتووەتە بەردەم پێکهێنانی حکومەت بریتییە لە هەڵبژاردنی سەرۆککۆمار."

 

بەڵام سائر موخیف کەتاب، پەرلەمانتار لە پەرلەمانی عێراق بە ڕۆژنامەی وتووە، "پێکهێنانی حکومەتی عێراق درێژە ناکێشێت لەوە زیاتر، ئەوەش دوای دەرکردنی چەند بڕیارێکی یەکلاییکەرەوە لەلایەن دادگای فیدڕاڵی کە سەرجەم ناکۆکییە سیاسییەکانی چارەسەر کرد."

 

دەشڵێت، "ئەو بوێرییەی دادگای فیدڕاڵی دەریخست بە تایبەت لە بڕیارەکانی ئەمدواییەدا، نمونەی نەبووە."

 


بەڵام جاسم عەتوان موسەوی کە ئەویش پەرلەمانتارە پێی وایە "دۆخی ئاسایشی ناوخۆی و ئابوری وڵات بەرەو خراپبوون دەچێت و هێشتا ئاستی بەرپرسیارێتی لایەنە سیاسییەکان زۆر نزمە، دەبوو ئەوان بیر لە بەرژەوەندی گەل و وڵات بکەنەوە نەک بەرژەوەندی حزبیی خۆیان."


موسەوی نمونەی بازار دەهێنێتەوە کە نرخەکان زۆر بەرزبوونەتەوە بەبێ بوونی هیچ چاودێرییەک، "ئەوەش زیان بە چینی ناوەند و هەژار دەگەیەنێت، بە تایبەت کە کەرتی کشتوکاڵی لە عێراقدا ڕووخاوە."