گه‌ڕان

Shadow Shadow
سیاسه‌تی

هەدەپە؛ ئیدانەى کوشتنى دیپلۆماتکارەکەى تورکیا دەکات

2019.07.19 - 15:03
هەدەپە؛ ئیدانەى کوشتنى دیپلۆماتکارەکەى تورکیا دەکات
ناس کورد- هاوسەرۆکانى پارتى دیموكراتى گه‌لان (هه‌ده‌په‌) لەبارەى هێرشەکەى هەولێر و كوشتنى دیپلۆماتكاره‌كه‌ى توركیا، راگەیەندراوێکیان بڵاوکردەوە. .     له‌ڕاگه‌یه‌نراوەکەى هاوسەرۆکانى هەدەپە، جگە لەوەى ئیدانه‌ى كوشتنى دیپلۆماتكاره‌ توركه‌كه‌ له‌شارى هه‌ولێر ده‌كەن، ئاماژە بەوەش دەکەن "ئه‌وان له‌گه‌ڵ خه‌باتى ئاشتى و كه‌شوهه‌وایه‌كى دیموكراتى و ئارامیدان و هه‌موو  جۆره ‌ كرده‌وه‌یه‌كى توندوتیژى ڕە‌تده‌كه‌نه‌وه"‌. . لەبارەى بەئامانجگرتنى پەرلەمانتارێکى هەدەپە لەلایەن میدیاکانى تورکیاوە بەوەى کە برایەکى تۆمەتبارە بە رووداوەکە، لە راگەیەندراوەکەدا، روونکراوەتەوە " قبوڵناکەین پەرلەمانتارێکمان بە بیانووی ئەو هێرشە و بەهۆی ناوی براکەیەوە بکرێتە ئامانج". . داواى ئەوەش دەکەن "ئەو هێرشە ناڕوونە بە زووترین کات روونبکرێتەوەو هیچ گومانێک لەو بارەوە نەمێنێت و ئەنجامدەرانی ئاشکرا بکرێن". . . ڕاگه‌یه‌نراوه‌كه‌ له‌كاتێكدایه‌، ئه‌مڕۆ (هه‌ینى)، میدیاكانى توركیا بڵاویان كرده‌وه‌، تۆمه‌تبارى ڕووداوى كوشتنى دیپلۆماتكاره‌كه‌ى توركیا، براى كچه‌ په‌رله‌مانتارێكى هه‌ده‌په‌یه‌. .