گه‌ڕان

Shadow Shadow
سیاسه‌تی

كازم فاروق دەستی لە سەرۆكی فراكسیۆنی نەوەی نوێ كێشایەوە

2022.02.27 - 11:29
App store icon Play store icon Play store icon
كازم فاروق دەستی لە سەرۆكی فراكسیۆنی نەوەی نوێ كێشایەوە

ناس كورد- 
کازم فاروق، سەرۆکی فراکسیۆنی نەوەی نوێ لە پەرلەمانی کوردستان ڕایگەیاند، "ئەمڕۆ دەستلەکاردەکێشمەوە و یەک دینار موچەی خانەنشینی وەرناگرم."

کەناڵی ناس کورد لە تێلیگرام جۆین بکە   


كازم فاروق لە کۆنگرەیەکی ڕۆژنامەوانیدا (27-2-2022) وتی، ”دەست لە کاری پەرلەمانتاری دەکێشمەوە و یەک دینار خانەنشینی وەرناگرم و تا قیامەت سازش بۆ پارتی و یەکێتی ناکەم”.

 

وتیشی، "پاش کاری پەرلەمانتاری دەگەڕێمەوە بۆ نەخۆشخانەی هیوا و لەوێ وەک پزیشک دەستبەکاردەبمەوە".

 

دەربارەی نەخۆشییەکەی وتیشی، "ئیشەڵلا باش دەبمـ خۆمان پێشتر وتووومانە ئەم ئیشەی دەستمان داوەتێ ئاسان نییە، ئامادەین باجی زۆر لەوە گەورەتر بدەین".

 

ڕۆژی 31ی ئازاری 2021، کازم فاروق لەناو پەرلەمانی کوردستاندا پێڵاوى گرتە ڕێواز فایەق، سەرۆکى پەرلەمان دواى ئەوەى نەیهێشت قسەکانى تەواو بکات، هەر دوای ئەو ڕووداوە، پەرلەمان بە دەنگی 73 پەرلەمانتار بڕیاری دا بە سزادانی کازم فاروق بە بێبەشکردنی لە بەشداریی دانیشتنەکان تا داواى لێبوردن دەکات.

 

کازم فاروق چەندینجار هەوڵی داوە بەشداری دانیشتنەکانى پەرلەمان بکات و ڕەتیکردووەتەوە کە داوای لێبوردن بکات، بەڵام هەمیشە ڕێگری لێکراوە لەلایەن هێزە ئەمنییەکانی پەرلەمانەوە.

 

بەپێی ماددەى 22 ى پەیڕەوى ناوخۆى پەرلەمان، هەر پەرلەمانتارێک سێ جار لەسەریەک بەبێ هۆکار بەشدارى دانیشتنەکان نەکات، رێوشوێن بەرانبەرى دەگیرێتەبەر تا ئاستى لێسەندنەوەى متمانە.