گه‌ڕان

Shadow Shadow
سیاسه‌تی

زانیاریی زیاتر

بافڵ تاڵەبانی باس لە گۆڕانکاریی نوێ لەنێو یەکێتی دەکات

2022.02.26 - 21:06
App store icon Play store icon Play store icon
بافڵ تاڵەبانی باس لە گۆڕانکاریی نوێ لەنێو یەکێتی دەکات

ناس کورد- 

بافڵ تاڵەبانی، هاوسەرۆکی یەکێتی لە نوێترین لێدوانیدا لەبارەی گۆڕانکارییەکانی نێو یەکێتی ڕایگەیاند، بە بەرنامەیەکی گشتگیری ھەمەلایەنە تەواوی دامەزراوەکانی حزب نوێدەکەنەوە و بە دونیا بینییەکی فراوانترەوە ئەرکەکان رادەپەڕێنن، دەشڵێت، "لە پرسی عێراقدا زۆر هەوڵماندا یەکڕیزی بپارێزین، بەڵام بەداخەوە ئەوە نەکرا و هێشتاش بێ ئومێد نەبووین." 

کەناڵی ناس کورد لە تێلیگرام جۆین بکە   

 

بافڵ جەلال تاڵەبانی، هاوسەرۆکی یەکێتی لە میانەی سەردانێکیدا بۆ  مەکتەبی رێکخستنی یەکێتیی نیشتمانیی کوردستان (شەممە 26-2-2022) ڕایگەیاند، " یەکێتی سەرباری راپەڕاندنی ئەرکە نیشتمانیی و نەتەوەییەکانی لە ناوخۆی حزبیش دەستمان بە خۆڕێکخستنەوە و چاکسازیکردن کردووە و بە بەرنامەیەکی گشتگیری ھەمەلایەنە تەواوی دامەزراوەکانی حزب نوێدەکەینەوە و بە دونیا بینییەکی فراوانترەوە ئەرکەکان رادەپەڕێنین." 

 

هاوکات لەبارەی دوایین پەرەسەندنە سیاسی و ئەمنییەکانی ناوچەکە و ھەنگاوەکانی پێکھێنانی حکومەتی نوێی عێراق، بافڵ تاڵەبانی ڕایگەیاندووە، " یەکێتی بۆ ھەر پرسێک بەرژەوەندی گشتی لەبەرچاو گرتووە و دەمانەوێت بە سیاسیەتێکی نیشتمانیی کوردستانیی لەبەرامبەر ناوەنددا بوەستینەوە و زۆر ھەوڵیشماندا یەکڕیزی بپارێزین، بەڵام بەداخەوە ئەوە نەکرا کە بۆ ئەوەش بێ ئومێد نەبووین." 

 

ئەوەشی خستووەتەڕوو، "دەمانەوێت لە ڕێگەی دیداری یەکێتییەوە  خۆمان رێکبخەینەوە و ھەنگاوبنێین بەرەوپێشبردنی یەکێتییەکەی مام کە ئەمە بەرپرسیارێتی ھەموو یەکێتییەکانە پێکەوە، ئەم ئەرکە گرنگ و چارەنووسسازەش رادەپەڕێنین و رۆحی شەھیدانیش ئاسوودە دەکەین."