گه‌ڕان

Shadow Shadow
سیاسه‌تی

ڤیدیۆ

زانیارى ورد لەسەر ئەو زیندانییانەى بادینان کە کەمکردنەوەى سزا نایانگرێتەوە

2022.02.24 - 13:27
App store icon Play store icon Play store icon
زانیارى ورد لەسەر ئەو زیندانییانەى بادینان کە کەمکردنەوەى سزا نایانگرێتەوە

ناس کورد-

 

تیمی كوردستانی عێراقی CPT رایگەیاند، ژمارەیەک زیندانیکراوى بادینان ئەو بڕیارە نایانگرێتەوە کە سەرۆکى هەرێم دەریکردووە بۆ کەمکردنەوەى سزاى بەشێک لە زیندانیان.

کەناڵی ناس کورد لە تێلیگرام جۆین بکە   

 

تیمەکە (24-2-2022) لە کۆنفرانسێکى رۆژنامەنوسیدا لە سلێمانى کە پەیامنێرى "ناس کورد" ئامادەبوو ئاماژەیان بەوەکرد، پێنج زیندانیکراوى بادینان ئەو بڕیارە نایانگرێتەوە و پێویستە بڕیارەکە بیانگرێتەوە، کە بەشێکیان پێکهاتوون لە قارەمان شکورى رۆژنامەنوس، نەزیر میکایل چالاکوان لەزاخۆ، مەسعود عەلى مامۆستا و چالاکوان، شێروان تەها مامۆستا و چالاکوان، د.عامر خالید، مەحمود ناجى ئەحمەد چالاکوان. 

 

بەپێی ئامارەکان، لەکۆى 81 چالاکوان و رۆژنامەنوس کە ساڵى 2020 لەبادینان دەستگیرکراون، 26 کەسیان ئازادکراون بەبێ دادگاییکردنیان، 19 کەسیشیان حوکمدران و بەشێکیان ئازادکراون، شەش زیندانى تا ئێستا دادگایی نەکراون، چوار زیندانى تر حکومدران و تا ئیستا لەزینداندان. سەربارى ژمارەیەک سیاسی و چاکوان کە لەساڵى 2019 ەوە دەستگیرکراون و هێشتا دادگایی نەکراون.

 

سەرۆکی تیمی پارێزەرانی خۆبەخشی حوکمدراوانی بادینان (23-2-2022) ڕایگەیاند، بە مەرسوومی نێچیرڤان بارزانی، سەرۆکی هەرێمی کوردستان 60%ـی سزای حوکمدراوانی بادینان کەمکراوەتەوە و شەش مانگی دیکە ئازاد دەکرێن.  

  

دادگەی تاوانی هەولێر رۆژی 16-2-2021 بە تۆمەتی "تێکدانی ئاسایشی نیشتمانی" هەریەکە لە شێروان شێروانی، ئەیاز کەرەم، گوهدار حەمەدەمین، هاریوان عیسا و شڤان سەعیدی بە یەکی شەش ساڵ زیندانیکردن سزادا.