گه‌ڕان

Shadow Shadow
سیاسه‌تی

’’کشانەوەى’’ پارتى لەکێبڕکێی سەرۆک کۆمار

ئەگەرێک بۆ ’’ڕێککەوتنى’’  چوارچێوەى هەماهەنگى و سەدر دەخرێتەڕوو

2022.02.23 - 19:31
App store icon Play store icon Play store icon
ئەگەرێک بۆ ’’ڕێککەوتنى’’  چوارچێوەى هەماهەنگى و سەدر دەخرێتەڕوو

ناس کورد-

 

 کەسایەتییەکى نزیک لە چوارچێوەى هەماهەنگى شیعەکان رایگەیاند، لەدواى بڕیارەکانى دادگاى فیدراڵى جموجۆڵ لەنێوان چوارچێوەى هەماهەنگى و رەوتى سەدر دەستیپێکردووە و ئەگەر هەیە لەم چەند رۆژەدا بگەنە رێککەوتن و لێکتێگەیشتن.

کەناڵی ناس کورد لە تێلیگرام جۆین بکە   

 

حەیدەر بەرزنجى کەسایەتى نزیک لە چوارچێوەى هەماهەنگى  (23-2-2022) بە "ناس کورد" ى راگەیاند "رێککەوتنەکە تایبەت دەبێت بەیەکتر قبوڵکردن بەتەوافوق، دورنەخستنەوەى دەوڵەتى یاساى نورى مالیکى، هەڵبژاردنى ئارەزوومەندانە لەلایەن ئەوانەوە کە دەیانەوێت ببنە ئۆپۆزسیۆن".

 

وتیشى "هەردوو پرسی پێکهێنانى حکومەت و هەڵبژاردنى سەرۆک کۆمار بەیەکەوە دەبێت، ئێستا رەوتى سەدر رێگرى نییە کە چوارچێوەى هەماهەنگى سەرۆک وەزیرانى تەوافوقى بهێنێت، بەڵام بەمەرجى ئەوەى سەرۆک کۆماریش تەوافوقى بێت".

 

بەوتەى بەرزنجى، کورد لەو لێکتێگەیشتن و رێککەوتنەکەدا رۆڵى دەبێت، چوارچێوەى هەماهەنگى هەوڵدەدات یەکێتى و پارتى بگەنە رێککەوتن، ئەوەش بەستراوە بە رێککەوتنى رەوتى سەدر و چوارچێوەى هەماهەنگییەوە.

 

دەشڵێت، رێککەوتنى پارتى و یەکێتى دەکەوێتە سەر ئەوەى کاندیدى سەرۆک کۆمار کێ دەبێت، ئەگەر هەیە پارتى بکشێتەوە لەکێبڕکێی سەرۆک کۆمار، چونکە فشارى زۆرى ئیقلیمى و ناوخۆیی هەیە لەو بارەیەوە.