گه‌ڕان

Shadow Shadow
سیاسه‌تی

کۆمەڵە: هێزە ئەمنییەکان لە سلێمانی ڕێگەنادەن مەراسیمی ڕۆژی کۆمەڵە بەڕێوەبچێت

2022.02.18 - 19:34
App store icon Play store icon Play store icon
کۆمەڵە: هێزە ئەمنییەکان لە سلێمانی ڕێگەنادەن مەراسیمی ڕۆژی کۆمەڵە بەڕێوەبچێت

ناس کورد-

کۆمیتەی ھاوبەشی کۆمەڵەی زەحمەتکێشانی کوردستان و کۆمەڵەی شۆڕشگێڕی زەحمەتکێشانی کوردستانی ئێران ڕایگەیاند، دەزگا ئەمنییەکانی سلێمانی ڕێگە نادەن سبەینێ مەراسیمێکیان ئەنجام بدرێت. 

کەناڵی ناس کورد لە تێلیگرام جۆین بکە   

 

کۆمیتەکە لە ڕوونکردنەوەیەکدا (18-2-2022) دەڵێت، "بڕیار بوو پاشنیوەرۆی سبەینێ شەممە مەراسیمی هاوبەشی ڕۆژی "کۆمەڵە" لە ھۆتێل ھای کرێستی شاری سلێمانی بەڕێوەبچێت، بەڵام بەداخەوە دەزگا ئەمنییەکان رێگەیان بە بەڕێوەچونی ئەو رێوڕەسمە نەدا و رێوڕەسمەکەمان بەڕێوە ناچێت."

 

تائێستا هێزە ئەمنییەکانی سلێمانی هیچ ڕوونکردنەوەیەکیان لەوبارەیەوە بڵاونەکردووەتەوە، بەڵام سەرچاوەیەک لەناو کۆمەڵەوە بە مەرجی ناونەهێنانی بە "ناس کورد"ی ڕاگەیاند، هۆکارەکە سیاسییە و بە فشاری ئێران، هێزە ئەمنییەکانی سلێمانی ڕێگرییان لە ئەنجامدانی ئەو مەراسیمە کردووە.

 

ئەو سەرچاوەیە وتیشی، "هیچ هەڕەشەیەکی ئەمنی لەسەر مەراسیمەکە نییە، ئێمە ئەوەندە هێزمان هەیە کە بتوانین ئەمنیەتی بپارێزین، بۆیە تاکە هۆکار دەبێت فشاری سیاسی بێت."