گه‌ڕان

Shadow Shadow
سیاسه‌تی

نوێ

بەغدا ڕێکارێکی دیکە لە زیانی هەرێم دەگرێتەبەر

2022.02.17 - 16:57
App store icon Play store icon Play store icon
بەغدا ڕێکارێکی دیکە لە زیانی هەرێم دەگرێتەبەر

ناس کورد-

بەڕێوەبەری گشتیی بازرگانی ڕایگەیاند، ماوەی چەند ڕۆژێکە حکومەتی عێراق خالی گومرگیی لە ھەموو ئەو دەروازانەی دەچنەوە پارێزگانی ناوەڕاست و باشوری عێراق داناوە دەشڵێت، وەزارەتی بازرگانی و حکومەتی عێراقیان ئاگادار کردووەتەوە بۆ لابردنیان.

کەناڵی ناس کورد لە تێلیگرام جۆین بکە   

 

نەوزاد شێخ کامیل، بەڕێوەبەری گشتیی بازرگانی (پێنجشەممە 17-2-2022) بە ماڵپەڕی فەرمیی پارتی ڕاگەیاند، "ماوەیەکە حکومەتی عێراق خاڵی گومرگیی لەنێوان پارێزگاکانی ھەرێمی کوردستان و ناوەڕاست و باشووری عێراق داناوە و باجی خستووەتە سەر ئەو بەرھەم و کەلوپەلانەی لە ھەرێمی کوردستانەوە ڕەوانەی ناوچەکانی دیکەی عێراق دەکرێن، پێشتریش ئەو کێشەیە ھەبووە و چارەسەر کراوە، بەڵام دیارە دیسان خالی گومرکییان داناوە.''

 

ئاماژەی بەوەشکردووە، "ھاوردەکردنی ھیچ کەلوپەلێک قەدەغە نییە، بەڵام باجیان لێ وەردەگیرێت، ئەمەیش ھۆکارە بۆ زیانگەیاندن بە بازرگانان و ئابووریی ھەرێمی کوردستان، چونکە ئەو کەلوپەلانەی ھاوردەی ناوچەکانی دیکەی عێراق دەکرێن، لەسەر سنوور باجیان لێ وەردەگیرێت و نابێت دووبارە باجیان بخرێتە سەر.''

 

ئەوەشی خستووەتەڕوو، "وەزارەتی بازرگانیی ھەرێمی کوردستان، بازرگانیی عێراقی ئاگادار کردووەتەوە بۆ لابردنی ئەو خاڵە گومرگییانە و ئاساییکردنەوەی ڕەوشەکە، ھەروەھا لە ڕێگەی نوێنەرایەتیی حکوومەتی ھەرێمی کوردستانەوە لە بەغدا سەرۆکایەتیی ئەنجومەنی وەزیرانی فیدراڵ ئاگادار کراوەتەوە، چونکە ناکرێت لە یەک وڵاتدا ڕێگە بە ھاوردەکردنی کەلوپەل بگیرێت و دووبارە باجیان لێ وەربگیرێت.''