گه‌ڕان

Shadow Shadow
سیاسه‌تی

زانیاریی زیاتر

لەبارەی کێشەی دابەشکردنی مووچە باس لە ’’دۆخێکی مەترسیدار’’ دەکرێت

2022.02.15 - 10:49
App store icon Play store icon Play store icon
لەبارەی کێشەی دابەشکردنی مووچە باس لە ’’دۆخێکی مەترسیدار’’ دەکرێت

ناس کورد- 

ئەندامێکی پەرلەمانی کوردستان وردەکاریی داهاتی هەرێم ئاشکرا دەکات و دەڵێت، دۆخێکی مەترسیدار لە دابەشکردنی مووچە دروست بووە، لەکاتێکدا پارەیەکی زۆر هەیە، بەڵام مووچە دوادەکەوێت.

کەناڵی ناس کورد لە تێلیگرام جۆین بکە   

 

کاروان گەزنەیی، ئەندامی لیژنەی وزە و سامانە سروشتییەکان لە پەرلەمانی کوردستان لە کۆنفرانسێکی ڕۆژنامەوانیدا (سێشەممە 15-2-2022) ڕایگەیاند، "لەگەڵ چەندین قەیران و دواکەوتنی مووچە، بەڵام دواکەوتنی مووچەی کارمەندانی ئاسایش و هێزەکانی ناوخۆ و مامۆستایان و خانەنیشنان لە سلێمانی و هەڵەبجە  و ڕاپەڕین و گەرمیان خەریکە دەبێتە دیاردەیەکی مەترسیدار." 

 

وتیشی، "ئەوەش لەکاتێکدایە کە نرخی نەوت بەشێوەیەکی بەرچاو بەرزبووەتەوە و گەیشتووەتە 96 دۆلار و ئەگەر لە بەرمیلێکدا 37 دۆلاری بۆ بمێنێتەوە دەکاتە زیاتر لە 16 ملیۆن دۆلاری ڕۆژانە و مانگانەش دەکاتە 721 ملیار دینار." 

 

ئاماژەی بەوەشکرد، "لەگەڵ ئەوەدا داهاتی ناوخۆ مانگانە 300 ملیار دینارە و 200 ملیاریش لە بەغداوە دێت، واتە بەگشتی دەکاتە نزیکەی ترلیۆنێک و 300 ملیار دینار، لەکاتێکدا ئێمە پێویستمان بە 900 ملیار دینارە بۆ مووچە." 

 

باسی لەوەشکرد، "دەپرسم سەرباری ئەو هەموو داهاتە، بە چ بیانوویەک مووچەی بەشێک لە مووچەخۆران دوادەکەوێت و ئەگەر ئەوە بەردەوام بێت سکاڵا تۆمار دەکەین."