گه‌ڕان

Shadow Shadow
سیاسه‌تی

زانیاریی زیاتر

هەڵوێستێک لە پارتییەوە لەبارەی دەنگدان بە کاندیدەکەی یەکێتی

2022.02.15 - 09:04
App store icon Play store icon Play store icon
هەڵوێستێک لە پارتییەوە لەبارەی دەنگدان بە کاندیدەکەی یەکێتی

ناس کورد- 

ناس کورد- پەرلەمانتارێکی پارتی دیموکراتی کوردستان دەڵێت، بەدڵنیایی کاندیدەکەی پارتی دەبێتە سەرۆک کۆماری عێراق، دەشڵێت، ئەگەر کاندیدبوونی کاندیدە نوێیەکەشیان ڕەتبکرێتەوە زەحمەتە دەنگ بە کاندیدەکەی یەکێتی بدەن.

کەناڵی ناس کورد لە تێلیگرام جۆین بکە   

 

شێروان دووبەردانی، پەرلەمانتاری فراکسیۆنی پارتی (سێشەممە 15-2-2022) بە دەنگی ئەمەریکای ڕاگەیاند، " بە شێوەیەکی فەرمی کاک ڕێبەر ئەحمەد کاندیدی فەرمی پارتییە، چاوەڕێین سەرۆکایەتی پەرلەمان سیڤیەکەی بنێرێت بۆ چوار دامودەزگا، (دەزگای لێپرسینەوە و چاودێری، دەستپاکی، بەڵگەی تاوان، هەروەها وەزارەتی خوێندنی باڵا و توێژینەوەی زانستی) دوای گەڕانەوەی وەڵامی ئەوان ئەگەر تێبینیان نەبوو ئەوکات سەرۆکایەتی پەرلەمانی عێراق ڕۆژێک دیاری دەکات بۆ دەنگدان بە سەرۆک کۆماری عێراق."

 

سەبارەت بە نایاسایی بوونی دووبارە دەرگای خۆپاڵاوتنەوە، ئەو پەرلەمانتارەی پارتی باسی لەوەکردووە، " ئەو بڕیارەی سەرۆکایەتی پەرلەمانی عێراق (بۆ دووبارە کردنەوەی دەرگای کاندیدی) بڕیارێکی یاسایی بوو، چونکە لە دوای 30 ڕۆژەوە سەرۆکی کۆمار هەڵنەبژێردرا بۆیە جارێکی تر دەرگای خۆکاندیدکردنی کردەوە، ئەگەر ئەو بڕیارەی سەرۆکایەتی پەرلەمان لەلایەن دادگاوە ڕەتبکرێتەوە بە دڵنیاییەوە دەبێت سەرۆک کۆماریش لە پۆستی خۆی نەمێنێت. " 

 

لەبارەی ئەوەی ئەگەر دادگای فیدڕاڵی بڕیاربدات دووبارە کردنەوەی دەرگای خۆپاڵاوتن نادەستورییە پارتی کاندیدی نامێنێت، ئامادەن دەنگ بە کاندیدەکەی یەکێتی بدەن، شیروانی دووبەردانی ئاماژەی بەوەکردووە، "لە حاڵەتی ئەوەی دادگای فیدراڵی ئەو بڕیارەی دا ئەوا (لکل حادث حديث) چاوەڕێی بڕیاری سەرۆک و سەرکردایەتی خۆمان دەکەین، بەڵام بە هەموو شێوەیەک زەحمەتە ئێمە دەنگ بدەین بە کاندیدی یەکێتیی نیشتمانیی کوردستان "

 

سەبارەت گرەنتی دەرچوونی کاندیدەکەیان، ئەو پەرلەمانتارەی پارتی ڕایگەیاندووە، "بەدڵنیایی ئێمە پێشتر کارمان بۆ کاک هۆشیار زێباری کردووە، بە هاوکاری هاوپەیمانەکانمان لە سەدرییەکان و سوننەکان، کە هاوپەیمانێتیەکی بەهێزە ئەگەر لە جەولەی یەکەمیش دەرنەچێت ئەوا لە جەولەی دووەم کاک ڕێبەر دەنگی پێویست بهێنێت و بەدڵنیایی دەبێتە سەرۆک کۆماری عێراق."

 

دووبەردانی جەختی لەوە کردووەتەوە، " جگە لە هاوپەیمانێیە سێ قۆڵییەکە،(سەدر و سوننە و پارتی) بەشێک لە سەربەخۆکان و تەنانەت هەندێک لە چوارچێوەی هەماهەنگی پشتگیری کاندیدی پارتی دیموکراتی کوردستان دەکەن بۆ پۆستی سەرۆک کۆماری عێراق."