گه‌ڕان

Shadow Shadow
سیاسه‌تی

’’یەکێتی قازانجی نەکردووە’’

سەرکردایەتییەکی پارتی باس لە ’’قۆناغێکی سەخت’’ دەکات کە ’’هەموومان زەرەری لێدەکەین’’

2022.02.14 - 17:05
App store icon Play store icon Play store icon
سەرکردایەتییەکی پارتی باس لە ’’قۆناغێکی سەخت’’ دەکات کە ’’هەموومان زەرەری لێدەکەین’’

ناس کورد-

جەعفەر ئیمینیکی، ئەندامی سەرکردایەتی پارتی و جێگری پێشووی سەرۆکی پەرلەمانی کوردستان پێی وایە لە پرسی سەرۆکایەتی کۆماردا "نە پارتی دۆڕاوە و نە یەکێتیش قازانجی کردووە" بەڵام "دۆزی کورد لە عێراقدا لە قۆناغێکی سەختدایە."

کەناڵی ناس کورد لە تێلیگرام جۆین بکە   

 

جەعفەر ئیمینیکی کە ئەندامی شاندی پارتیش بوو بۆ بەغدا لە پۆستێکی فەیسبوکدا (14-2-2022) نوسیویەتی، "لە بەغدا نە پارتی دۆڕاوە و نە یەکێتیش قازانجی کردووە، دۆزی کوردی لە عێراق فیدڕاڵدا بە قۆناغێکی سەخت و هەستیاردا دەرباز دەبێت."

 

دەشڵێت، "ئەگەر بە هەموو لایەککمان بە عەقڵ و حیکمەت مامەڵە لەگەڵ ئەم دۆخە نەکەین، زەرەرێکی گەورە لە عێراقدا دەکات، بە هەمووشمانەوە لێی بەرپرسیارین."

 

هاوکات ئەندامێکی سەرکردایەتی پارتی ڕایگەیاند، سەرەڕاى دوورخستنەوەی کاندیدی حیزبەکەی بۆ پۆستی سەرۆک کۆمار، بەڵام ئەوان بژاردەی زۆریان لەبەردەستدایە، جەخت لەسەرئەوەشدەکاتەوە، سەرباری ململانێی نێوانیان لەگەڵ یەکێتی، دەبێت بگەنە چارەسەر.

 

ئەکرەم ساڵح کە هاوکات بەرپرسی لقی 22 ی پارتی دیموکراتی کوردستانە، لەبارەی ناکۆکی نێوانیان لەگەڵ یەکێتی نیشتیمانی لەسەر پرسی سەرۆک کۆمار، بە دەنگى ئەمەریکاى وت "ناکۆکیمان لەگەڵ یەکێتی هەیە لەسەر پرسی سەرۆک کۆمار، بەڵام ئەمە واتای بچڕانی پەیوەندی نێوانمان نیە، ئێمە و یەکێتی هەم گفتووگۆمان هەیە، هەم ململانێش، بۆیە دەبێت لە ئەنجامدا بگەینە چارەسەر."

 

سەبارەت بە بژاردەکانی بەردەم حیزبەکەی لە کاتێکدا کاندیدەکەیان بۆ پۆستی سەرۆک دوورخراوەتەوە، ئەکرەم ساڵەح وتی"بژاردەمان زۆرە، لە ڕۆژانی داهاتوو دەردەکەوێت."

 

بەرپرسەکەی پارتی ئاماژەی بەوەشکرد، تا ئێستا ئاستی پابەندبوونی پارتی و عەرەبی سونە و ڕەوتی سەدر بەڕێککەوتنەکەی نێوانیان زۆر باشە، وتی"ڕێککەوتنەکە لەم قۆناغەدا بەردەوام دەبێت، بەتایبەت بۆ مەسەلەی سەرۆک کۆمار و پێکهێنانی حکومەت."

 

هۆشیار زێباری، کاندیدی پارتی بۆ پۆستی سەرۆک کۆمار کە لەلایەن دادگای فیدڕاڵییەوە ڕەتکرایەوە، لە کۆنفرانسێکی ڕۆژنامەوانیدا، ڕایگەیاند، "بڕیارەکەی دادگای فیدڕاڵی بڕیارێکی سیاسییە و توشی سەرسوڕمان بووم بەو بڕیارە."

 

وتیشی، "بێگومانم کە هێزی سیاسی لە پشت بڕیارەکەی دادگای فیدڕاڵییەوەیە و سەرکردایەتی پارتی هەڵوێستی دەبێت لەوبارەیەوە و سبەینێ کۆدەبینەوە و لەوبارەیەوە بڕیار دەدەین، هەموو ئەگەرێک کراوەیە بۆ بڕیاردان."

 

لەبارەی هەڵوێستی پارتی، باسی لەوەکرد، "تاوەکو ئێستا هیچ بڕیارێک لەلایەن پارتییەوە نەدراوە و من تاکە کاندیدی پارتیم و تاوەکو ئێستا هیچ کاندیدێکی دیکە نییە، من چەند بژاردەیەکی یاساییم لە بەردەستە بۆ تانەدان لە بڕیارەکە، دواتر بڕیار دەدەم."