گه‌ڕان

Shadow Shadow
سیاسه‌تی

دوور لە چاوی میدیاکان

سەرکردەیەکی پارتی باس لە ڕێککەوتنی حزبەکەی لەگەڵ یەکێتی دەکات

2022.02.12 - 22:36
App store icon Play store icon Play store icon
سەرکردەیەکی پارتی باس لە ڕێککەوتنی حزبەکەی لەگەڵ یەکێتی دەکات

ناس کورد- 

ئەندامێکی ئەنجومەنی سەرکردایەتی پارتی ڕایگەیاند، پارتی و یەکێتی دوور لە چاوی میدیاکان سەرقاڵی دۆزینەوەی ڕێگەچارەیەکن بۆ پرسی سەرۆک کۆمار و دەشڵێت، دەرگای گفتوگۆ کراوەیە و ئەگەری ڕێککەوتن هەیە. 

کەناڵی ناس کورد لە تێلیگرام جۆین بکە   

 

ئاری هەرسین، ئەندامی ئەنجومەنی سەرکردایەتیی پارتی لە سلێمانی - هەڵەبجە لە لێدوانێکی ڕۆژنامەوانیدا کە "ناس کورد" بینیویەتی (شەممە 12-2-2022) دەربارەی هەڵوێستی پارتی لەسەر پرسی سەرۆک کۆمار ڕایگەیاند، " هەڵوێست و بڕیاری موتڵەق و کۆتایی بوونی نییە، بەڵکو ئەگەری ڕوودانی هەموو شتێک هەیە، چونکە دەرگای گفتوگۆ لەنێوان پارتی و یەکێتی کراوەیە و دەکرێت ڕێکبکەوین." 

 

وتیشی، "پارتی و یەکێتی پێشتریش ناکۆکییان هەبووە، بەتایبەت لەکاتی هەڵبژاردنەکاندا توند بووین بەرامبەر یەکتر، بەڵام دواتر پێکەوە حکومەتمان پێکهێناوە، ئەوەش ئاساییە، چونکە ئەمە سیاسەتە خۆ دڵداری و عەشقبازی نییە." 

 

ئاماژەی بەوەشکرد، "هیچ پۆستێکی بەغدا لە میللەت گەورەتر نییە و لە کۆتاییدا پێویستە پارتی و یەکێتی ڕێکبکەون، هیچ کەسیشیان ناتوانن یەکتر بسڕنەوە، هەردوولا ئێستا دوور لە چاوی میدیاکان سەرقاڵی دۆزینەوەی ڕێگەچارەیەکن و پشت بە خوا ئەنجامەکەی باش دەبێت."